Turarbek Qusaıynov: Meshit - Allanyń úıi emes

4845
Adyrna.kz Telegram

Meniń "oraza aıy kezindegi pitir-sadaqany", qazaqshalap aıtsam, qaıyrymdylyq kómekti meshitke emes, muqtaj jandarǵa, ıakı ádiletsiz sottalǵan saıası tutqyndardyń otbasyna berý kerektigi týraly usynysyma qarsy dinshil sanadaǵy adamdar dóreki formada jekeme ártúrli boqtyq sózder jazyp jatyr. Dinshilderdiń negizgi argýmenti "pitir-sadaqany" tek Allanyń úıi - meshitke berý kerek, ıaǵnı túsken qarjyny ımam-moldalar kedeılerge ózderi taratady degen ýáj aıtypty.

Soǵan baılanysty halyq arasyndaǵy dinı-saıası toptardyń dogmalyq túsinikterine toıtarys berý úshin mynany aıtqym keledi:

MEShIT - ALLANYŃ ÚII emes, al sol sııaqty

QURAN DA -ALLANYŃ SÓZI emes.

Jaratýshy-Táńir bizdiń oı-kózqarasymyzdaǵy mundaı adamı-pendelik uǵymdardan pák jáne ada.
Táýrat, Zabýr, Injil, Quran nemese basqa da ıdeologııalyq-teologııalyq kitaptar jer-jahandaǵy álem halyqtaryn jalpyadamzattyq moraldyq-etıkalyq ustanymǵa nasıhattaıdy jáne atalmysh etıkalyq kitaptar galaktıka, jer, kún, aı, juldyz, sý-muhıt pen basqa da planetalar sııaqty bar bolǵany Jaratýshy-Táńirdiń jaratylystary.
Meshit Allanyń úıi jáne Quran Allanyń sózi degen dinı dogma "musylmandarǵa" Isa paıǵambar Qudaıdyń sózi (arabsha kálıma) men rýhy bolǵan degen túsinik arqyly, ıaǵnı hrıstıan dinindegi katolık-rım shirkeýiniń ózgeshe oılaıtyn myńdaǵan adamdy tirideı órtetetip, genoıd jasatqan dinı doktrınasynan engenin kóbi bile bermeıdi.
(Nısa súresi,171-aıat)
Shyndyǵynda, Quran ilimi boıynsha bútkil ǵalam Jaratýshysynyń qudireti sheksiz, Ol eshqandaı ǵıbadathanaǵa muqtaj emes, ıaǵnı «meshit – Qudaıdyń úıi» emes. Adamzattyń kıe túsinigi tek qana Táńir-Qudaıǵa ǵana laıyqty. Túrkilik órkenıettiń qaınar bulaǵynan nár alǵan Ibrahım paıǵambardan bastaý alǵan birqudaıshyl dindi nasıhattaǵan Musa, Isa, Muhammed nemese biz bilmeıtin basqa da paıǵambarlar da jalǵyz Táńir-Qudaıdy bárin bilýshi, bárin kórýshi dep tanydy, uly Jaratýshynyń barlyq jerdegi máńgi qudyretine ıman keltirdi. Jaratylǵandar qaı jaqqa bet túzese de, olar Táńir-Qudaıdy tabady. Sondyqtan da men tarıhta adamzat órkenıetin qalyptastyrǵan ataqty oıshyl-fılosoftar,jaratylystaný (fızıka, matematıka, hımııa, bıologııa, medıına, t.b) men gýmanıtarlyq ǵylymnyń negizin salýshylar - adamı/etıkalyq normalardy nasıhattaýshy elshi-paıǵambarlardyń bedel-dárejesinen kem jáne esh tómen emes dep esepteımin.

Turarbek QUSAIYNOV, 

"Demos" QB tóraǵasy

(Avtordyń kózqarasy redakııa ustanymyn bildirmeıdi, bul taqyryp boıynsha qarsy taraptyń da materıaldaryn jarııalaýǵa ázirmiz).

Pikirler