11 sáýirde Saýd Arabııasynyń Joǵarǵy Soty bul kúni eshkim jańa aıdyń týǵanyn kóre almaǵandyqtan Parsy shyǵanaǵy elderinde qasıetti Ramazan aıy dúısenbide bastalmaıtynyn málimdedi, dep habarlaıdy "Adyrna" ulttyq portaly Stan.kz aqparat agenttigine silteme jasap.
«Jańa jarty aıdyń paıda bolýyn baıqaı almaýyna baılanysty sot Ramazan aıynyń bastalýy týraly sheshim qabyldaý úshin erteń keshke jınalady», - delingen sot habarlamasynda.
Saýd Arabııasynyń bul máseledegi pikirin kóptegen basqa arab elderi ustanady, degenmen olardyń árqaısysy óz astronomdary men teologtarynyń kýálikterine súıenedi.
«Shaaban aıynyń 29-shy kúni jańa aıdyń aspanda paıda bolýyn baqylaý jónindegi komıtettiń onyń týýyna kýá bolý týraly úndeýine eshkim jaýap bermedi, sondyqtan komıtettiń jumysy dúısenbide jalǵasady jáne erteń óz pikirin aıtady», - dedi Katardyń vakýftar jáne ıslam isteri mınıstrligi.
Sonymen qatar dúısenbide Egıpet, Irak, Týnıs, Lıvan, Kýveıt, Iemen, Oman, Birikken Arab Ámirlikterinde de oraza aıy bastalmaıdy.
Eger bul elderde aıdyń paıda bolýy dúısenbide kórinbese, Ramazan kóptegen arab elderinde seısenbide Shaabannyń aıy aıaqtalǵannan keıin bastalýy múmkin. Degenmen keıbir elderde, sonyń ishinde Saýd Arabııasynda, Shaaban aıynyń bastalǵan kúnine kúmán bar, ol kezde jańa aı shańdy aýa-raıyna baılanysty kórinbegen, sondyqtan Ramazan sársenbide de kelýi múmkin.
Bıyl Parsy shyǵanaǵy elderinde, byltyrǵydaı, Ramazan koronavırýs pandemııasy jaǵdaıynda qatań shekteýler jaǵdaıynda ótedi. Kýveıtte, Omanda keshten bastap kelesi kúnniń tańyna deıin komendanttyq saǵat engizildi, Katarda Ramazan aıynyń aldynda dúkender men dárihanalardan basqa barlyq mekemeler jabyldy, saıabaqtarda, jaǵalaýlarda jáne jaǵajaılarda sportpen shuǵyldanýǵa tyıym salynady.
Sondaı-aq Ramazan aıynda dástúrli taraýyq namazyn meshitterde emes, úıde oqıdy. Parsy shyǵanaǵynyń barlyq elderinde dástúrli Ramazan shatyrlary alynyp tastaldy, ıftar men sýhýrǵa barýǵa tyıym salynady.
