Torǵaıdyń qalaı ushqanyna, qyrǵıdyń qalaı qonǵanyna deıin qadaǵalap otyratyn qyraǵy kózderi kóp keńestik dáýirdiń ózinde de ulttyq dástúrler izim-qaıym joǵalyp ketken joq-ty. Máselen, qyp-qyzyl komsomoldyń basty basylymy – «Lenınshil jas» jyl saıyn «kóktem nómiri» degen jeleýmen naýryzdy kádimgideı atap ótetin.
Naýryz dep resmı túrde aıtyla qoımaıdy, árıne. Onyń esesine, redakııamyzdyń qut-berekesi – Bıbihan apaı úıinen ala kelgen naýryz kójeni bárimizge molynan jetkizedi. Sol kúni gazet jasyl túske enedi. Kóktemniń tynysynan, tabıǵattyń túleýinen syr sabaqtaıtyn mańyzdy maqalalar jaryq kóredi. Basylym betinde jańarý men jasarýdyń belgisi baıqalady. Jetinshi qabatta jyly jel eskendeı bolady.
On alty jyl bas redaktorlyq qyzmet atqarǵan Seıdahmet Berdiqulov bul dástúrdi buljytpaı saqtady. Alaıda, beıresmı salttyń tórkini árirekte jatqan sııaqty. Sirá, Sheraǵańdardyń dáýirinen tamyr tartady-aý deımin.
Mynaý – keńestik kezeńdegi gazettiń sońǵy «kóktem nómiri». Sol kúni shyǵa bastaǵanyna 70 jyl tolǵan «Lenınshil jas»... 1991 jylǵy 22 naýryz... Basylymda qyzmet isteıtin barlyq jýrnalıster sóz alǵan-dy. Báriniń de sýreti jarııalandy... Sodan beri 30 jyl ótti...
Al búgin alǵashqy nómirine nebári 19 jastaǵy Ǵanı Muratbaev qol qoıǵan «Jas Alash» gazetiniń jaryqqa shyqqanyna 100 jyl toldy! Bárimizdi túletip ushyrǵan berekeli basylymnyń ǵasyrlyq mereıtoıy qutty bolsyn!
Baýyrjan OMARULY
