Astanada zııaly qaýym men BAQ qyzmetkerleri arasynda Joldasbek Dýanabaı atyndaǵy dástúrli bılıard týrnıri ótti

2029
Adyrna.kz Telegram

2023 jylǵy 4 naýryz kúni Astana qalasyndaǵy Zodiak bılıard klýbynda zııaly qaýym men BAQ qyzmetkerleri arasynda Joldasbek Dýanabaı atyndaǵy dástúrli bılıard týrnıri ótti, dep habarlaıdy "Adyrna" ulttyq portaly. 

Atalmysh is-sharany Aiqyn, «Lıter» jáne Turkistan gazetteri qazaq basylymdaryna eleýli eńbek sińirgen belgili jýrnalıst, B.Bulqyshev atyndaǵy syılyqtyń laýreaty, mádenıet qaıratkeri Joldasbek Dýanabaıdyń qurmetine uıymdastyrdy.

Týrnırde QR Joǵary ulttyq dárejedegi tóreshi Nesip Júnisbaıuly tóreshilik etti.

Jarysta jalpy sany 48 adam baq synady. Oıyn qorytyndysy boıynsha 55 jastan asqandar sanatynda:
I oryn (100 myń teńge) – EUÝ Jýrnalıstıka jáne saıasattaný fakýltetiniń dekany, ǵalym Qaırat Saq;
II oryn (70 myń teńge) – jýrnalıst Álimjan Sabyrjanuly;
III oryn (50 myń teńge) – jazýshy, ardager jýrnalıst Nesip Júnisbaıulyna buıyrdy.

Al 55 jasqa deıingiler sanatynda:
I oryn (100 myń teńge) – jýrnalıst Nurdildá Oraz;
II oryn (70 myń teńge) – aqyn, dramatýrg Ularbek Nurǵalym;
III oryn (50 myń teńge) – «Habar» agenttiginiń jýrnalısi Ahmetáli Saqqa buıyrdy.

Joldasbek Dýanabaı atyndaǵy arnaıy syılyq Senat depýtaty Nurtóre Júsipke tabystaldy. «Sheber oıynshy» nomınaııasyn Sharhan Qazyǵul enshilese, Qaınar Oljaı men Serik Janbolat saıystyń úzdik oıynshylary atandy. Sondaı-aq týrnırge qatysqan Erbol Erdenbek pen Ermuhamed Máýlen týrnırdiń surmergeni atandy.

Pikirler