Belgili aıtysker Aınur Tursynbaeva áleýmettik jeli paraqshasynda prezıdent Q.Toqaevqa arnaıy úndeý jarııalady, dep habarlaıdy «Adyrna» ulttyq portaly derekkózge silteme jasap.
Aıtyskerdiń jazýynsha, femınıster ótkizgen mıtıngiden keıin óner adamdarynyń áleýmettik jeli paraqshalarynda jazǵandary óshirile bastapty. Álgi mıtıngige baılanysty qarsy pikir bildirgender men hıdjabty ánshi, bıshi kelinshekterdiń jazbalary óshirile bastasa, kóp uzamaı paraqshalarynyń buǵattalmaýyna kepildik bar ma?
«Asa qurmetti Qasym-Jomart Kemeluly..!
Kesheden beri shýyldap jatqan áleýmettik jelidegi jaǵdaı̆dy oqyp jatqan bolarsyz... Áı̆elder as úı̆de otyra almaı̆myz dep alańǵa shyǵyp ketti. Týlaryn jelbiretip alańǵa shyqqan femınısterdiń arasynda áı̆el men áı̆eldiń tósektes bolýyna ruqsat surap júrgender de bar eken... Shyndyǵynda olar ruqsatsyz-aq qosylyp jatyr. Sonda alańǵa aı̆qaı̆lap shyǵyp nege quqyǵymyz qorǵalmady dep shyńǵyryp júr? Onsyz da bilgenderin jasap jatqan joq pa?! Meniń aı̆taı̆ym degenim múlde basqa áńgime...
"Men shet elge jıi ushamyn... Ushyp bara jatyp ta, kele jatyp ta túrli kedergige jıi tap bolamyn.. Jurttyń bári emin-erkin ótetin shekaradan meni jeke ótkizedi, arnaı̆y formadaǵy qyzmetkerler jeke bólmega aparyp biraz tergep baryp jiberedi.. Qaı̆ta-qaı̆ta qaı̆talana bergen soń nege bulaı̆ bop jatqanyn surastyrdym... Sóı̆tsem bárine “kináli” basymdaǵy aq jaýlyǵym eken... Men oramal taqqaly qoǵamǵa qaýip týdyryp júr ekenmin... Men bir kezderi televızııa salasynda jumys jasadym. Sol kezde de oramalym úshin qaı̆ta-qaı̆ta sóz estýge májbúr bolyp, aqyry ketip tynǵanmyn. Oramal taqqan qyzdardyń Qazaqstanda jumysqa kire almaı̆, shet elge kóship ketip jatqanyn da bilemin...
Qurmetti Prezıdent!
Qazaqstandaǵy oramaldy qyzdardyń quqyǵyn siz qorǵamasańyz kim qorǵaı̆dy?! Olardyń er azamatty attap ótip, attandap alańǵa shyǵýǵa uıaty jibermeı̆di. Qazaq tarıhynda eleýli iz qaldyrǵan Domalaq ana, Bopaı̆ hanshaı̆ym, Álpesh ana, Gaýhar ana, Ulbıke, Sara aqyndar aq jaýlyqtaryna adaldyq tanytyp alashtyń analaryna aı̆nalǵan joq pa?! Shashtaryn qyzyl-jasylǵa boıap danalyqty dáriptegen kim bar?! Allanyń ámirine boı̆usynyp júrgen arýlar erteń eldiń tutqasy bolar adal uldardy dúnıege ákelmeı̆ me?! Adamnyń keýdesine ne din kiredi, ne jyn kiredi! Qoǵamǵa qaı̆sysy qaýipti?! Biz sizderge arqa súı̆eı̆miz. Kesheden beri ınstagram ánshi qyzdardyń posttaryn óshirip tastap jatyr. Nege?! Sebebi qazaq sııaqty tekti halyqtyń rýhyn taptaýǵa álem qyzdarymyz arqyly kirisip jatyr! “Jatyr ózimdiki” dep jar salǵyzýdyń artynda qazaqty tamyrymen qurtý saıasaty jatyr.
Osy másele osy kúı̆inde qalmasa eken", - dep jazdy aqyn.
