Alyp qashqan qalyńdyqtyń aıaýsyz ólimi Qyrǵyzstandy dúr silkindirdi

7108
Adyrna.kz Telegram

Bishkekte Ishki ister mınıstrligi ǵımaratynyń janynda «Zorlyq-zombylyqqa qarsy» mıtıngi ótip jatyr, dep habarlaıdy "Adyrna" ulttyq portaly derekkózge siltep.

Qyrǵyzstandyqtar 5 sáýirde urlanǵan 27 jastaǵy Aızada Qanatbekovanyń ólimine baılanysty narazylyq mıtıngine shyqty. Mıtıngke qatysýshylar mınıstrlik basshysy Ulan Nııazbekov pen Bishkek polıııa basqarmasynyń bastyǵy Baqyt Matmýsaevtyń otstavkaǵa ketýin talap etýde.

Narazylyq bildirýshilerge Qyrǵyzstan Respýblıkasy Ishki ister mınıstrligi tergeý qyzmeti qyzmetkerleriniń biri shyqty. Mıtıngke shyqqandar ony tyńdamaı, mınıstrdiń ketýin talap etti.

Mıtıngke 200-den astam adam jınaldy. Bishkektegi narazylyq bildirýshiler premer-mınıstrge «uıat» dep aıqaılaýda. «Zorlyq-zombylyqqa qarsy» mıtıngige qatysýshylarǵa Qyrǵyzstan úkimetiniń basshysy Ýlýkbek Marıpov shyqty. Premer-mınıstr prezıdent Sadyr Japarov Ishki ister mınıstrligi basshysynyń otstavkasyn qarastyryp jatqanyn aıtty.

«Tergeý aıaqtalǵanǵa deıin men kimniń kináli ekenin aıta almaımyn», dedi Marıpov.

Endi narazylyq bildirýshiler úkimet ǵımaratyna kóshti.

Esterińizge sala keteıik, jaqynda urlanǵan qyz ben ony urlap áketken adamnyń deneleri jatqan kólik tabylǵany belgili boldy.

Polıııanyń aldyn-ala aqparaty boıynsha, er adam qaqtyǵys kezinde qyzdy tunshyqtyryp óltirgen, sodan keıin pyshaq jaraqatyn salyp, óz-ózine qol jumsaǵan.

"Adyrna" ulttyq portaly

 

 

Pikirler