«QQS 20%-ǧa deiın össe, infliasiia üdeidı». Ükımet jalaqy men zeinetaqyny köteruge uäde berdı

Bügın, 28 qaŋtarda Ükımet otyrysynda Ūlttyq ekonomika ministrı Serık Jūmanǧarin qosylǧan qūn salyǧy(QQS) mölşerlemesın 16%-dan 20%-ǧa deiın arttyru jospary turaly aitty, dep habarlaidy “Adyrna” ūlttyq portaly. Būl şara tauarlar men qyzmetter baǧasynyŋ ösuıne, sondai-aq infliasiianyŋ küşeiuıne äser etedı dep kütılude. Ministrdıŋ aituynşa, NDS mölşerlemesınıŋ artuy käsıporyndarǧa şamamen 4% jükteme äkelse, tūtynuşylar üşın tauarlar men qyzmetterdıŋ qymbattauyna äkeledı. Būl infliasiianyŋ 4,5%-ǧa deiın ösuıne yqpal etuı mümkın. «NDS mölşerlemesın 16%-dan 20%-ǧa deiın köteru talqylanuda. Būl mındettı türde baǧalarǧa äser etedı. Degenmen, bız būl ösımdı qysqa merzımdı dep baǧalaimyz jäne ony äleumettık qoldau şaralary arqyly teŋestırudı josparlap otyrmyz», – dedı Serık Jūmanǧarin. Tauarlar men qyzmetterdıŋ qymbattauy halyqtyŋ äleumettık osal toptaryna äser etpeuı üşın ükımet qosymşa şaralar qabyldaudy josparlap otyr:

• Memlekettık mekeme qyzmetkerlerınıŋ jalaqysy men zeinetaqy mölşerın indeksasiialau;
• Adrestık äleumettık kömektı ūlǧaitu.

Jūmanǧarinnıŋ aituynşa, NDS mölşerlemesın köteru el ekonomikasyna oŋ äser etıp, jaŋa jūmys oryndaryn qūruǧa jaǧdai jasaidy. Būl üşın memlekettık resurstardyŋ tiımdı paidalanyluyn qadaǧalau küşeitıledı. «Bız bizneske arnalǧan sifrlyq investisiialyq platforma äzırledık. Onda eldegı barlyq jobalar baqylanady. Būl qarajattyŋ tiımsız jobalarǧa jūmsalmauyn qamtamasyz etedı», – dedı ministr. Eger NDS mölşerlemesı 20%-ǧa deiın ösetın bolsa, ükımet kelesı şaralardy engızudı josparlap otyr:

• Eŋbekaqy töleu qoryna tüsetın salyqtyq jüktemenı 10%-ǧa qysqartu;
• Äleumettık salyqty jäne jūmys beruşınıŋ mındettı zeinetaqy jarnasyn alyp tastau.

Sonymen qatar, NDS töleuşıler sanyn arttyru üşın esepke qoiu şegın 78,6 mln teŋgeden 15 mln teŋgege deiın tömendetu közdelıp otyr. Ükımet jaŋa Salyq kodeksı aiasynda 15-20 aqpan aralyǧynda Parlamentke NDS boiynşa ūsynystar engızudı josparlap otyr. Onyŋ aldynda MNE biznes qauymdastyqpen kezdesuler ötkızıp, reformany talqylaidy. Reforma nätijesınde biudjet kırısı 5-7 trln teŋgege ūlǧaiady dep kütılude.