Astana künı qarsaŋynda ekı otbasy baspanaly boldy

Qaztalov audanynyŋ äkımı Aslanbek Sarqūlov Astana künı qarsaŋynda ekı otbasyǧa baspana kıltın tabystap, quanyşymen bölıstı. Saltanatty şarada audan äkımı Aslanbek Ahmetollaūly baspana ielerın qūttyqtap, jyly lebızın bıldırdı, dep habarlaidy "Adyrna" ūlttyū portaly. "Bügın audan ortalyǧynda qos bırdei baspananyŋ berıluı memlekettık baǧdarlamalardyŋ jüzege asyp jatyrǧanynyŋ aiqyn körınısı. Qazırgı taŋda halyqty tūrǧyn üimen qamtamasyz etu mäselesı öte özektı. Memleket basşysy Qasym-Jomart Kemelūly Toqaev «Adal adam – Adal eŋbek – Adal tabys» atty ūlttyq qūryltaidyŋ üşınşı otyrysynda «Būǧan qosa auyl jäne audan ortalyǧynyŋ tūrǧyndaryna arnalǧan jaŋa tūrǧyn üi baǧdarlamasyn qolǧa alu kerek. Būl rette äleumettık tūrǧyda osal toptaǧy jandar üşın nesie ösımı 7 paiyzdan aspauy qajet. Sonymen qatar satyp alu qūqyǧymen jalǧa berıletın baspana sanyn bırneşe ese köbeitudı Ükımetke tapsyramyn», – dep tapsyrma bergen bolatyn. Bügın tūrǧyn üi kezegındegı ekı otbasyny baspanamen qamtamasyz etıp otyrmyz. Baspana ielerıne zor densaulyq, otbasylaryna amandyq, şaŋyraq şattyǧyn tıleimın", — dedı audan äkımı. Baspana kezegındegı tūrǧyndardy satyp alu qūqyqyǧymen jalǧa berıletın tūrǧyn üimen qamtamasyz etu halyq üşın ülken mümkındık. Jaŋa baspanalarǧa üiı apatty dep tanylǧan Asylzada Zūlqarnaeva jäne 20 jyl eŋbek ötılı bar, 2012 jyldan berı tūrǧyn üi kezegınde tūrǧan biudjettık sala qyzmetkerı Şalyqqanym Būiraşeva ie boldy. Kaztalov audanynda qazırgı taŋda memlekettık baǧdarlama aiasynda 28 auylda 116 tūrǧyn üidıŋ qūrylys jūmystary jürgızılıp jatyr. Qūrylys sapasy audan äkımı men jergılıktı qoǧamdastyqtyŋ jıtı baqylauynda.