Jaŋaqala audanynyŋ ortalyǧynda jalǧyz üiı apatty dep tanylǧan 14 otbasy baspanaly boldy. Päter kıltterın tabystau räsımıne aimaq basşysy Nariman Töreǧaliev, oblystyq mäslihat deputaty, Jaŋaqala audanynyŋ qūrmettı azamaty Erbol Salyqov, merdıger ūiym ökılderı jäne auyl tūrǧyndary qatysty.
Biyl jalǧyz üiı apatty dep tanylǧan azamattardy baspanamen qamtu tetıkterı zaŋnamalyq tūrǧyda rettelıp, «Renovasiia» baǧdarlamasyna tiıstı tolyqtyrular engızıldı. Jaŋaqala audanynda osy sanat boiynşa 52 tūrǧyn kezekte tūr. Bügın olardyŋ 14-ı eskı baspanasynyŋ ornyna boi kötergen jaŋa üige ornalasty. Köp ūzamai audannyŋ 3 eldı mekenınde taǧy 7 päter paidalanuǧa berıledı.
Oblys äkımı Nariman Töreǧaliev jaŋa qonys ielerın quanyşymen qūttyqtady. Aimaq basşysy halyqty baspanamen qamtu memleket saiasatynyŋ basym baǧyty ekenın atap öttı.
- Memleket basşysy Qasym-Jomart Kemelūly Toqaev halyqtyŋ ömır sapasyn arttyruǧa baǧyttalǧan naqty mındetter jüktedı. Sonyŋ bırı — auyldyq eldı mekenderdegı infraqūrylymdy damytu, tūrǧyn üi qūrylysyn jandandyru. Biyldan bastap jalǧyz üiı apatty dep tanylǧan azamattardy baspanamen qamtuǧa erekşe nazar audaryldy. Osy sanattaǧy otbasylarǧa Oral qalasyn aitpaǧanda, Syrym jäne Tasqala audandarynda jaŋa päterler beremız. Şaŋyraqtaryŋyz şattyqqa tolyp, baq-berekelı bolǧai, - dedı Nariman Töreǧaliev.
Auyl tūrǧyndary memleket qoldauy üşın zor rizaşylyǧyn bıldırıp, qūrylystyŋ basy-qasynda bolǧan azamattarǧa alǧys aitty.
Aita keteiık, 2023 jyldan berı öŋırde 7 myŋnan astam päter paidalanuǧa berıldı. Onyŋ 40 paiyzy auyldyq eldı mekenderde boi köterdı.
BQO äkımınıŋ baspasöz qyzmetı
