Öŋırde jalpyǧa bırdei deklarasiialau tärtıbıne engızılgen özgerıster tüsındırıldı. Ötken jyl üşın deklarasiiany kımder tapsyruǧa mındettı, qandai merzımder belgılengen jäne talaptardy būzǧan jaǧdaida qandai jauapkerşılık qarastyrylǧany turaly RSK brifingınde Aqmola oblysy boiynşa Memlekettık kırıster departamentı bölımınıŋ basşysy Nūrlan Mahambet aityp berdı.
Qazaqstanda jalpyǧa bırdei deklarasiialau jüiesı 2021 jyldan bastap kezeŋ-kezeŋımen engızılude. Būl rette 2025 jylǧy 1 qaŋtardan bastap törtınşı kezeŋge jatatyn azamattar üşın deklarasiia tapsyru mındetı joiyldy. Olardyŋ qatarynda zeinetkerler, studentter, üi şaruasyndaǧy äielder jäne jeke sektor qyzmetkerlerı bar. Şetelde mülkı jäne jekelegen aktivterı bar tūlǧalar būǧan kırmeidı.
«Jalpyǧa bırdei deklarasiialau – azamattardyŋ tabystary men mülkın deklarasiialardy memlekettık kırıster organdaryna ūsynu arqyly baqylau tetıgı», – dedı Nūrlan Mahambet.
Biyl 2025 jyl üşın 270.00 nysany boiynşa kırıster men mülık turaly deklarasiiany memlekettık qyzmetşıler jäne olarǧa teŋestırılgen tūlǧalar men olardyŋ jūbailary, bankterdıŋ, baǧaly qaǧazdar naryǧynyŋ jäne saqtandyru ūiymdarynyŋ ırı qatysuşylary, kvazimemlekettık sektor ūiymdarynyŋ 10 paiyzdan astam qatysu ülesıne ie basşylary men qūryltaişylary, sondai-aq jeke praktikamen ainalysatyn tūlǧalar tapsyruy tiıs.
Sonymen qatar deklarasiiany öz betınşe salyq saluǧa jatatyn kırıster alǧan, şeteldık jäne sifrlyq aktivterı, sondai-aq şeteldık bankterdegı şottarynda jiyntyǧy 1000 AEK-ten asatyn qarajaty bar azamattar tapsyruǧa mındettı. Taǧy bır negız – eseptı kezeŋde jalpy qūny 20 000 AEK-ten asatyn mülıktı satyp alu.
«Kırıster men mülık turaly deklarasiiada Qazaqstanda jäne şetelde ornalasqan kırıster men mülık, öz betınşe salyq saluǧa jatatyn kırıster, sondai-aq mülıktı satyp alu, ielıkten şyǧaru jäne öteusız alu, şyǧystardy jabu közderı turaly mälımetter körsetıledı», – dep tüsındırdı spiker.
Būdan bölek, 250.00 nysany – aktivter men mındettemeler turaly deklarasiia qoldanylady. Ony, atap aitqanda, şetelde mülıktıŋ belgılı bır türlerı bar kämeletke tolǧan Qazaqstan Respublikasynyŋ rezident azamattary tapsyrady.
250.00 nysanyn mındetteme tuyndaǧan jyly 15 qyrküiekten keşıktırmei tapsyru qajet. 2025 jyl üşın 270.00 nysanyndaǧy deklarasiia 2026 jylǧy 15 qyrküiekten keşıktırmei tūrǧylyqty jerı boiynşa ūsynyluy tiıs.
Deklarasiiany alǧaş ret tapsyrmaǧan jaǧdaida eskertu jasalady, al talapty qaitalap būzǧan kezde 15 AEK mölşerınde aiyppūl salynady. Tolyq emes nemese anyq emes mälımetterdı qaitalap ūsynǧany üşın 3 AEK mölşerınde aiyppūl qarastyrylǧan. Şeteldegı mülıktı nemese şeteldık bankterdegı şottardaǧy qarajatty deklarasiiada körsetpeu arqyly jasyru 100 AEK mölşerınde aiyppūl saluǧa äkep soǧady.
Nūrlan Mahambettıŋ aituynşa, jüienıŋ basty mındetı – azamattardyŋ kırısterı men mülkınıŋ aşyqtyǧyn qamtamasyz etu jäne salyqtyq äkımşılendırudıŋ tiımdılıgın arttyru.
