Talaıdy tamsandyrǵan "Bozjyra shatqalyna qonaq úı salynady" degennen bastap bul taqyryp qoǵamda qyzý talqyǵa tústi. Biri quptasa, biri dattaýda. Bul týraly ekolog Túmenbaı Qaljan óz pikirin bildirdi, dep habarlaıdy "Adyrna" ulttyq portaly.
Alty jyldan asa tabıǵatty qorǵaý salasynda qyzmet etken mamannyń aıtýy boıynsha, qarasa kóz tartatyn ádemi tabıǵatty tanytý kerek. Bozjyra shatqalynda salynatyn qonaq úı qurylysyn qoldaıtynyn aıtty.
" Maman retinde, bizdiń elimizde týrıstik, demalatyn oryndardyń kóp bolǵanyn qalaımyn. Ásem tabıǵatty álemge tanytý kerek. Órkenıetti elderdiń tirligin istep, alǵa jyljyp damý kerek. Qoǵamnyń barlyǵy derlik buǵan qarsy emes. Tek durys jaǵynan túsindire bilý kerek",- dedi ekolog maman.
Esterińizge sala keteıik, Bozjyra shatqaly Mańǵystaý oblysynan 300 km jerde ornalasqan tabıǵı eskertkish. Buǵan deıin áleýmettik jelilerde bir top qurylys jumyskerleriniń shatqaldy torýyldap júrgen beınerolıgi taralyp, shý shyqqan edi. Keıin oblys ákimi túsinikteme berip, qurylys bastalmaǵanyn alǵa tartty.
"Adyrna" ulttyq portaly
