ەكولوگ بوزجىرا شاتقالىنا قاتىستى ماڭىزدى پىكىر ءبىلدىردى

3184
Adyrna.kz Telegram

تالايدى تامساندىرعان "بوزجىرا شاتقالىنا قوناق ءۇي سالىنادى" دەگەننەن باستاپ بۇل تاقىرىپ قوعامدا قىزۋ تالقىعا ءتۇستى. ءبىرى قۇپتاسا، ءبىرى داتتاۋدا. بۇل تۋرالى ەكولوگ تۇمەنباي قالجان ءوز پىكىرىن ءبىلدىردى، دەپ حابارلايدى "ادىرنا" ۇلتتىق پورتالى. 

التى جىلدان اسا تابيعاتتى قورعاۋ سالاسىندا قىزمەت ەتكەن ماماننىڭ ايتۋى بويىنشا، قاراسا كوز تارتاتىن ادەمى تابيعاتتى تانىتۋ كەرەك. بوزجىرا شاتقالىندا سالىناتىن قوناق ءۇي قۇرىلىسىن قولدايتىنىن ايتتى.

" مامان رەتىندە، ءبىزدىڭ ەلىمىزدە تۋريستىك، دەمالاتىن ورىنداردىڭ كوپ بولعانىن قالايمىن. اسەم تابيعاتتى الەمگە تانىتۋ كەرەك. وركەنيەتتى ەلدەردىڭ تىرلىگىن ىستەپ، العا جىلجىپ دامۋ كەرەك. قوعامنىڭ بارلىعى دەرلىك بۇعان قارسى ەمەس. تەك دۇرىس جاعىنان تۇسىندىرە ءبىلۋ كەرەك",- دەدى ەكولوگ مامان.

ەستەرىڭىزگە سالا كەتەيىك، بوزجىرا شاتقالى ماڭعىستاۋ وبلىسىنان 300 كم جەردە ورنالاسقان تابيعي ەسكەرتكىش. بۇعان دەيىن الەۋمەتتىك جەلىلەردە ءبىر توپ قۇرىلىس جۇمىسكەرلەرىنىڭ شاتقالدى تورۋىلداپ جۇرگەن بەينەروليگى تارالىپ، شۋ شىققان ەدى. كەيىن وبلىس اكىمى تۇسىنىكتەمە بەرىپ، قۇرىلىس باستالماعانىن العا تارتتى.

"ادىرنا" ۇلتتىق پورتالى 

پىكىرلەر