Telegram jelisi qazaqsha sóıledi. Bul týraly Aqparat jáne qoǵamdyq damý mınıstri Darhan Qydyráli málimdedi, dep habarlaıdy "Adyrna" ulttyq portaly.
Telegram áleýmettik jelisiniń mázirine qazaq tili qosyldy.
«Telegram-ǵa iOS jáne Android arqyly nemese web nusqasyna kirseńiz, qazaq tili resmı túrde engizilgenin kóresiz. Aıta ketý kerek, keshe ǵana Senat bekitken "Onlaın platforma jáne onlaın jarnama" týraly zań jobasynda da dál osy másele qarastyrylǵan. Zańnama qabyldansa, endi álemdik áleýmettik jeliler ınterfeısteri men mázirlerin qazaqshalaýy kerek», – dep jazdy Darhan Qydyráli.
Sonymen qatar mınıstr bul máseleni halyqaralyq kompanııalardyń ókilderimen kezdesýlerde de kóterip júrgenin aıtyp, jahandyq jeliler qazaqsha sóıleıtin kún alys emes ekenin atap ótti.
"Adyrna" ulttyq portaly
