Bas prokuratura bopsalaumen ainalysqan anonimdı QirSabyn Telegram-arnasynyŋ äkımşılerınıŋ ūstalǧanyn rastady, dep habarlaidy "Adyrna" ūlttyq portaly.
Top 8 jeltoqsan künı ūstalǧan.
"Bas prokuraturanyŋ üilestıruımen ŪQK-IIM-nıŋ vedomstvoaralyq tergeu-operativtık toby jäne QMA-nyŋ mamandandyrylǧan bölımşesı Astana men Qaraǧandy qalalarynda QirSabyn Telegram-arnasynda jalǧan aqparatty jariialaimyz dep qorqytyp aqşa bopsalaumen ainalysqan topty ūstady", – delıngen habarlamada.
Tergeuşılerdıŋ ırı kölemdegı aqşa, tehnika jäne özge de aiǧaq zattardy tärkılegenı habarlandy.
"Telegram-arnanyŋ äkımşılerı sot sanksiiasymen qamauǧa alyndy. Qajettı tergeu jäne jedel şaralar jürgızılude. Tergeu barysynda özge aqparat jariialanbaidy", – dep mälımdedı Bas prokuratura.
QirSabyn Telegram-arnasyna qatysty adamdardyŋ ūstalǧany turaly qaueset 19 jeltoqsanda taraǧan. Resmi türde rastau tek bügın kelıp tüstı.
Jurnalist Mihail Kozachkovtyŋ aituynşa, ıs ırı qūrylys kompaniiasynyŋ iesı jäne joǧary lauazymdy şendı adamnyŋ ūlynyŋ aryzynan keiın bastalǧan.
QirSabyn – saiasatkerler, blogerler jäne Qazaqstandaǧy tanymal adamdardyŋ jeke mälımetterın jariialaityn anonimdı Telegram-arna. Arnaǧa 110 000-nan astam jazyluşy tırkelgen.
Ūqsas jaŋalyqtar
