Qazaq ǵalymdary adam aǵzasyn tazartatyn jańa ónim oılap tapty, dep habarlaıdy «Adyrna» tilshisi.
Bilim jáne ǵylym mınıstrligine qarasty "Jalyn" ǵylymı-óndiristik tehnologııalyq ortalyǵynyń ǵalymdary "Bio Life" ataýymen daıyndalatyn enterosorbent óndirisin jolǵa qoıdy. Enterosorbent – kómir. Ol aǵashtan nemese tas kómirden jasalady. Qazaqstandyq ǵalymdar muny kádimgi kúrish qaýyzynan jasap shyǵaryp otyr. Aıta keterligi, otandyq jáne halyqaralyq patentteri alynyp qoıǵan.
Ishekte erıtin jelatındi kapsýla túrinde shyǵarylatyn belsendirilgen kómirdiń negizgi belsendi zaty – karbonızaııalanǵan kúrish qaýyzy.
"Bio Life" – ýlaný (taǵamdyq, hımııalyq, esirtki jáne alkagoldik ýlaný), dıareıa, meteorızm, sozylmaly gepatıt, baýyr ırrozy asqazan-ishek júıeleriniń aýrýlary, semirý, ınsýlt pen ıshemııa jáne aterosklerozdyń aldyn alýǵa kómektesedi.
Professor Sestager Aqnazarorvtyń aıtýynsha, bul ónimniń qarttarǵa da, balalarǵa da, júkti áıelderge de zııany (teris áseri – avt.) joq. Sheteldik sorbenttermen salystyrǵanda baǵasy da arzan. Bir emdik kýrsqa bir qaptamasy ketedi. Japonııa, Reseı, Qytaı, Ispanııa jáne Orta Azııa elderi ónimge qyzyǵýshylyq tanytyp otyrǵan kórinedi.
"Bio Life" enterosorbenti adamnyń ımmýn júıesi men densaýlyǵyn qoldaýǵa baǵyttalǵan. Ol adam aǵzasynan aýyr, túrli ýly metalldardy soryp alady. Dári bolmasa da, pandemııa jaǵdaıynda densaýlyqqa sep bolýǵa kómegin tıgizetin paıdaly ónim. Eń basty ereksheligi – ol Qazaqstanda shyqqan. Dál qazir álemde balamasy joq biregeı qospa. Basqa belsendi kómirlermen salystyrǵanda, "Bio Life" sorbenti – nanoqurylymdy kómirtek. Sonymen qatar, onyń quramynda adam aǵzasyna qajetti kremnıı dıoksıdi bar, - deıdi professor Aqnazaorv.
Bekseıtova Qalampyr, Enterosorbent zerthanasynyń meńgerýshisi:
–«Bio Life» – Qazaqstannyń kúrish qaýyzynan korbanızaııa jáne aktıvızaııa ádisterimen alynatyn aǵzany tazalaýǵa arnalǵan as qorytý júıelerimen as qorytý músheleriniń qyzmetin jaqsartatyn bıologııalyq belsendi qospa. "Bio Life" ónimin daıyndaý 6 etaptan turady: 1) Korbanızaııalaý (qanyqtyrý); 2) Mıneralsyzdandyrý; 3) Usaqtaý; 4) Tazalaý, keptirý; 5) Ónimdi kapsýlaǵa salý; 6) Qorapqa salý.
Ónim quramynda hımııalyq qospalar men boıaǵyshtar joq, taza 100 paıyz tabıǵı. Bul óndiriske Ǵylym qorynyń qoldaýymen 294 mln teńge bólindi. Oǵan óz qarajatymyzdy daıyn ónim shyǵaryp otyrmyz. Qazirgi qurylǵymyzdyń qaýqary kúnine 5 myń ónim shyǵarýǵa jetedi. Iaǵnı, 1 jylda 80 mln teńgeniń ónimin shyǵarýǵa múmkindigimiz bar.
Qazaq ǵalymdarynyń mundaı tolaıym tabysy kóńil qýantady. Ǵylymı ortalyqtyń kúrish qaýyzynan shyǵaratyn ónimi jalǵyz Bio Life-men toqtap qalmaıdy. Qazir gemodıalızdi qan tazalaıtyn sobrentter ázirlenýde.
Sultan Tóleýhanov, bıologııa ǵylymdarynyń doktory, professor:
–Gemodıalızdi qan tazalaıtyn sobrentter týraly aıtatyn bolsaq, ózderińiz jaqsy bilesizder, qazir adamzat aldynda turǵan úlken bir problema bar, ol – ekologııa problemasy. Ekologııa degenimiz – bizdi qorshap turǵan orta. Sol qorshap turǵan ortada ómirimizge kúndelikti tirlikke negentropııa degen zatty alamyz. Bul – basqa kózi joq bos qýat. Sonyń kesirinen kóptegen keselder shyǵyp, adamdardyń ımmýnıteti túsýde. Aýyr metaldar, hımııa zattar, ýly zattar, ýly dáriler bolady. Topyraqta, jerde, aýada jáne keıde ósimdikterde bolady. Ósimdikti mal jeıdi, al maldyń etin jegen soń bizge de túsedi. Ishimizdegi júıelerdiń eń úlken salmaq túsetini – baýyr men búırek júıeleri. Sońǵy ýaqytta sol baýyr men búırek keselderi kóbeıip jatyr. Ýlanyp jatqan kisiler kóp. Osy máseleni sheshý úshin gemosorbııa degen tásildi jan-jaqty qarap, onyń jańa tehnologııasyn engizip jatyrmyz.
Joǵaryda atalǵan jobalardy Bilim jáne ǵylym mınıstrligine qarasty "Ǵylym qory" qarjylandyrǵan. Konkýrs arqyly jeńip alǵan jobalardyń jalypy quny –588 mln teńge.
Gúlvıra Asqar,
«Adyrna» ulttyq portaly
