Ǧalymdar COVID-19 ındetı bastau alǧan jerdı anyqtady. Būl turaly amerikalyq Cell ǧylymi jurnalynda jariialanǧan maqalada aitylǧan, dep habarlaidy “Adyrna” ūlttyq portaly.
Aqparatqa säikes, AQŞ, Ūlybritaniia, Fransiia jäne basqa elderden kelgen ǧalymdar toby koronavirustyŋ taralu közı Qytaidyŋ Uhan qalasyndaǧy teŋız önımderı ekenın däleldedı.
«Huanan bazary 12 millionnan astam halqy bar Uhan qalasyndaǧy eŋ ülken jabaiy tabiǧat bazary jäne tört tūraqty tırı januarlar bazary boldy. 2019 jyldyŋ küzınde bırneşe satuşy tırı januarlardy zaŋsyz satqany qūjattalǧan. enot, bambuk egeuqūiryqtary, malaia kırpıler, amur kırpılerı men aziialyq borsyqtar bazardyŋ batys qanatynda ornalasqan, bazardyŋ sol bölıgınde COVID-19 infeksiiasynyŋ eŋ erte jäne eŋ köp sany tırkelgen», – delıngen habarlamada.
Sonymen qatar, bazardan alynǧan genetikalyq materialdyŋ ülgılerın zerttegennen keiın olardyŋ koronavirustyŋ ortaq genetikalyq sipattamalaryna säikes keletını anyqtaldy. Januarlar ūstalatyn torlardan, olardy tasymaldauǧa arnalǧan arbalardan jäne kanalizasiialyq arnalardan koronavirus ızderı tabylǧan. Alynǧan ülgıler bükıl pandemiianyŋ ortaq genetikalyq türımen üilesımdı boldy.
Ǧylymi jurnal jariialaǧan mälımetke säikes, ǧalymdar virustyŋ taraluynyŋ ekı gipotetikalyq nūsqasyn sipattaidy: januarlardan (naqty qandai türdı anyqtau mümkın bolmady) adamdarǧa jūqqan nemese kerısınşe, adamdar ony bazarǧa äkelgen. Sonymen bırge jarqanattardyŋ genetikalyq materialy tabylmady. DDŪ 2021 jyly būl januarlar infeksiia közı boluy mümkın ekendıgın jäne osy COVID-19 taraluynyŋ eŋ yqtimal ssenariilerınıŋ bırı ekenın aitqan bolatyn.
Sondai-aq, Qytai koronavirustyŋ zerthanada paida boluy mümkındıgın joqqa şyǧaryp, eldıŋ bedelın tüsırudı jäne mäselenı saiasilandyrudy toqtatudy talap ettı.Ūqsas jaŋalyqtar
