Ǵalymdar COVID-19 indeti bastaý alǵan jerdi anyqtady. Bul týraly amerıkalyq Cell ǵylymı jýrnalynda jarııalanǵan maqalada aıtylǵan, dep habarlaıdy “Adyrna” ulttyq portaly.
Aqparatqa sáıkes, AQSh, Ulybrıtanııa, Franııa jáne basqa elderden kelgen ǵalymdar toby koronavırýstyń taralý kózi Qytaıdyń Ýhan qalasyndaǵy teńiz ónimderi ekenin dáleldedi.
«Hýanan bazary 12 mıllıonnan astam halqy bar Ýhan qalasyndaǵy eń úlken jabaıy tabıǵat bazary jáne tórt turaqty tiri janýarlar bazary boldy. 2019 jyldyń kúzinde birneshe satýshy tiri janýarlardy zańsyz satqany qujattalǵan. enot, bambýk egeýquıryqtary, malaıa kirpiler, amýr kirpileri men azııalyq borsyqtar bazardyń batys qanatynda ornalasqan, bazardyń sol bóliginde COVID-19 ınfekııasynyń eń erte jáne eń kóp sany tirkelgen», – delingen habarlamada.
Sonymen qatar, bazardan alynǵan genetıkalyq materıaldyń úlgilerin zerttegennen keıin olardyń koronavırýstyń ortaq genetıkalyq sıpattamalaryna sáıkes keletini anyqtaldy. Janýarlar ustalatyn torlardan, olardy tasymaldaýǵa arnalǵan arbalardan jáne kanalızaııalyq arnalardan koronavırýs izderi tabylǵan. Alynǵan úlgiler búkil pandemııanyń ortaq genetıkalyq túrimen úılesimdi boldy.
Ǵylymı jýrnal jarııalaǵan málimetke sáıkes, ǵalymdar vırýstyń taralýynyń eki gıpotetıkalyq nusqasyn sıpattaıdy: janýarlardan (naqty qandaı túrdi anyqtaý múmkin bolmady) adamdarǵa juqqan nemese kerisinshe, adamdar ony bazarǵa ákelgen. Sonymen birge jarqanattardyń genetıkalyq materıaly tabylmady. DDU 2021 jyly bul janýarlar ınfekııa kózi bolýy múmkin ekendigin jáne osy COVID-19 taralýynyń eń yqtımal senarııleriniń biri ekenin aıtqan bolatyn.
Sondaı-aq, Qytaı koronavırýstyń zerthanada paıda bolýy múmkindigin joqqa shyǵaryp, eldiń bedelin túsirýdi jáne máseleni saıasılandyrýdy toqtatýdy talap etti.
