قازاق عالىمدارى ادام اعزاسىن تازارتاتىن جاڭا ءونىم ويلاپ تاپتى، دەپ حابارلايدى «ادىرنا» ءتىلشىسى.
ءبىلىم جانە عىلىم مينيسترلىگىنە قاراستى "جالىن" عىلىمي-وندىرىستىك تەحنولوگيالىق ورتالىعىنىڭ عالىمدارى "Bio Life" اتاۋىمەن دايىندالاتىن ەنتەروسوربەنت ءوندىرىسىن جولعا قويدى. ەنتەروسوربەنت – كومىر. ول اعاشتان نەمەسە تاس كومىردەن جاسالادى. قازاقستاندىق عالىمدار مۇنى كادىمگى كۇرىش قاۋىزىنان جاساپ شىعارىپ وتىر. ايتا كەتەرلىگى، وتاندىق جانە حالىقارالىق پاتەنتتەرى الىنىپ قويعان.
ىشەكتە ەريتىن جەلاتيندى كاپسۋلا تۇرىندە شىعارىلاتىن بەلسەندىرىلگەن كومىردىڭ نەگىزگى بەلسەندى زاتى – كاربونيزاتسيالانعان كۇرىش قاۋىزى.
"Bio Life" – ۋلانۋ (تاعامدىق، حيميالىق، ەسىرتكى جانە الكاگولدىك ۋلانۋ), ديارەيا، مەتەوريزم، سوزىلمالى گەپاتيت، باۋىر تسيرروزى اسقازان-ىشەك جۇيەلەرىنىڭ اۋرۋلارى، سەمىرۋ، ينسۋلت پەن يشەميا جانە اتەروسكلەروزدىڭ الدىن الۋعا كومەكتەسەدى.
پروفەسسور سەستاگەر اقنازارورۆتىڭ ايتۋىنشا، بۇل ءونىمنىڭ قارتتارعا دا، بالالارعا دا، جۇكتى ايەلدەرگە دە زيانى (تەرىس اسەرى – اۆت.) جوق. شەتەلدىك سوربەنتتەرمەن سالىستىرعاندا باعاسى دا ارزان. ءبىر ەمدىك كۋرسقا ءبىر قاپتاماسى كەتەدى. جاپونيا، رەسەي، قىتاي، يسپانيا جانە ورتا ازيا ەلدەرى ونىمگە قىزىعۋشىلىق تانىتىپ وتىرعان كورىنەدى.
"Bio Life" ەنتەروسوربەنتى ادامنىڭ يممۋن جۇيەسى مەن دەنساۋلىعىن قولداۋعا باعىتتالعان. ول ادام اعزاسىنان اۋىر، ءتۇرلى ۋلى مەتاللداردى سورىپ الادى. ءدارى بولماسا دا، پاندەميا جاعدايىندا دەنساۋلىققا سەپ بولۋعا كومەگىن تيگىزەتىن پايدالى ءونىم. ەڭ باستى ەرەكشەلىگى – ول قازاقستاندا شىققان. ءدال قازىر الەمدە بالاماسى جوق بىرەگەي قوسپا. باسقا بەلسەندى كومىرلەرمەن سالىستىرعاندا، "Bio Life" سوربەنتى – نانوقۇرىلىمدى كومىرتەك. سونىمەن قاتار، ونىڭ قۇرامىندا ادام اعزاسىنا قاجەتتى كرەمني ديوكسيدى بار، - دەيدى پروفەسسور اقنازاورۆ.
بەكسەيتوۆا قالامپىر، ەنتەروسوربەنت زەرتحاناسىنىڭ مەڭگەرۋشىسى:
–«Bio Life» – قازاقستاننىڭ كۇرىش قاۋىزىنان كوربانيزاتسيا جانە اكتيۆيزاتسيا ادىستەرىمەن الىناتىن اعزانى تازالاۋعا ارنالعان اس قورىتۋ جۇيەلەرىمەن اس قورىتۋ مۇشەلەرىنىڭ قىزمەتىن جاقسارتاتىن بيولوگيالىق بەلسەندى قوسپا. "Bio Life" ءونىمىن دايىنداۋ 6 ەتاپتان تۇرادى: 1) كوربانيزاتسيالاۋ (قانىقتىرۋ); 2) مينەرالسىزداندىرۋ; 3) ۇساقتاۋ; 4) تازالاۋ، كەپتىرۋ; 5) ءونىمدى كاپسۋلاعا سالۋ; 6) قوراپقا سالۋ.
ءونىم قۇرامىندا حيميالىق قوسپالار مەن بوياعىشتار جوق، تازا 100 پايىز تابيعي. بۇل وندىرىسكە عىلىم قورىنىڭ قولداۋىمەن 294 ملن تەڭگە ءبولىندى. وعان ءوز قاراجاتىمىزدى دايىن ءونىم شىعارىپ وتىرمىز. قازىرگى قۇرىلعىمىزدىڭ قاۋقارى كۇنىنە 5 مىڭ ءونىم شىعارۋعا جەتەدى. ياعني، 1 جىلدا 80 ملن تەڭگەنىڭ ءونىمىن شىعارۋعا مۇمكىندىگىمىز بار.
قازاق عالىمدارىنىڭ مۇنداي تولايىم تابىسى كوڭىل قۋانتادى. عىلىمي ورتالىقتىڭ كۇرىش قاۋىزىنان شىعاراتىن ءونىمى جالعىز Bio Life-مەن توقتاپ قالمايدى. قازىر گەمودياليزدى قان تازالايتىن سوبرەنتتەر ازىرلەنۋدە.
سۇلتان تولەۋحانوۆ، بيولوگيا عىلىمدارىنىڭ دوكتورى، پروفەسسور:
–گەمودياليزدى قان تازالايتىن سوبرەنتتەر تۋرالى ايتاتىن بولساق، وزدەرىڭىز جاقسى بىلەسىزدەر، قازىر ادامزات الدىندا تۇرعان ۇلكەن ءبىر پروبلەما بار، ول – ەكولوگيا پروبلەماسى. ەكولوگيا دەگەنىمىز – ءبىزدى قورشاپ تۇرعان ورتا. سول قورشاپ تۇرعان ورتادا ومىرىمىزگە كۇندەلىكتى تىرلىككە نەگەنتروپيا دەگەن زاتتى الامىز. بۇل – باسقا كوزى جوق بوس قۋات. سونىڭ كەسىرىنەن كوپتەگەن كەسەلدەر شىعىپ، ادامداردىڭ يممۋنيتەتى تۇسۋدە. اۋىر مەتالدار، حيميا زاتتار، ۋلى زاتتار، ۋلى دارىلەر بولادى. توپىراقتا، جەردە، اۋادا جانە كەيدە وسىمدىكتەردە بولادى. وسىمدىكتى مال جەيدى، ال مالدىڭ ەتىن جەگەن سوڭ بىزگە دە تۇسەدى. ىشىمىزدەگى جۇيەلەردىڭ ەڭ ۇلكەن سالماق تۇسەتىنى – باۋىر مەن بۇيرەك جۇيەلەرى. سوڭعى ۋاقىتتا سول باۋىر مەن بۇيرەك كەسەلدەرى كوبەيىپ جاتىر. ۋلانىپ جاتقان كىسىلەر كوپ. وسى ماسەلەنى شەشۋ ءۇشىن گەموسوربتسيا دەگەن ءتاسىلدى جان-جاقتى قاراپ، ونىڭ جاڭا تەحنولوگياسىن ەنگىزىپ جاتىرمىز.
جوعارىدا اتالعان جوبالاردى ءبىلىم جانە عىلىم مينيسترلىگىنە قاراستى "عىلىم قورى" قارجىلاندىرعان. كونكۋرس ارقىلى جەڭىپ العان جوبالاردىڭ جالىپى قۇنى –588 ملن تەڭگە.
گۇلۆيرا اسقار،
«ادىرنا» ۇلتتىق پورتالى
