ADAL BILIM jobalyq keńsesiniń basshysy Talǵat Nárikbaev joǵary bilim berý salasyndaǵy sybaılas jemqorlyqpen kúreste tehnologııalyq múmkindikterdi paıdalanýdy usyndy, dep habarlaıdy «Adyrna» ulttyq portaly.
Onyń aıtýynsha, akademııalyq qyzmetin HQKO (ON) formatyna kóshirgen oqý oryndarynda sybaılas jemqorlyq faktorlary azaıǵan. Biraq bul tájirıbe de búgingi kúni eskirgen jáne onlaın-formatqa tolyq kóshýdi talap etedi.
«2014 jyly elimizdegi alǵashqy joǵary oqý orny bolyp KAZGUU stýdentteri úshin HQKO ashty. Bir kabınetke barlyq qyzmetter biriktirilip, elektrondyq kezek uıymdastyryldy (stýdenttik muraǵat, ofıs-tirkeýshi, býhgalter, zańger – barlyǵy 8 adam). Oqý ornynyń ákimshiligimen tikeleı qarym - qatynastan sybaılas jemqorlyq táýekelderi týyndaýy yqtımal. Búginde KAZGIýÝ stýdentteri akademııalyq qyzmetter men oqý proesin ǵana emes, óziniń qarjylyq balansyn da aıqyn baqylap otyrady. Barlyq múmkindikteri bar mobıldi qosymsha daıarladyq», - dedi ADAL BILIM jobalyq keńsesiniń basshysy Talǵat Nárikbaev.
Alık Shpekbaev mobıldi qosymsha tájirıbesin oń baǵalap, barlyq basqa oqý oryndaryn ony paıdalanýǵa shaqyrdy.
«Ýaqyt bárin tez ózgertedi. Elimizdiń úzdik ýnıversıtetteriniń biri KAZGUU elektrondy formatqa kóshti. Stýdentter qaǵazbastylyqtan arylyp, óz ýaqytyn únemdeýi kerek jáne tıisinshe barlyǵy qashyqtan elektrondyq formatta bolýy tıis. Ásirese kolledjder men joǵary oqý oryndarynda», - dep atap ótti QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev.
Talǵat Nárikbaevtyń aıtýynsha, mundaı sheshimdi óz qyzmetiniń sapasy men ashyqtyǵyn arttyrýǵa umtylǵan elimizdiń kez kelgen joǵary oqý orny jasaı alady. Akademııalyq máselelerdi sheshý úshin stýdentke ýnıversıtet ákimshiligimen baılanys ornatýdyń qajeti joq.
Bul týraly ol Qazaqstandaǵy sybaılas jemqorlyqqa qarsy bilim berýdiń problemalary men perspektıvalaryn talqylaý jónindegi keńeste málimdedi.
«Adyrna» ulttyq portaly
