ADAL BILIM جوبالىق كەڭسەسىنىڭ باسشىسى تالعات نارىكباەۆ جوعارى ءبىلىم بەرۋ سالاسىنداعى سىبايلاس جەمقورلىقپەن كۇرەستە تەحنولوگيالىق مۇمكىندىكتەردى پايدالانۋدى ۇسىندى، دەپ حابارلايدى «ادىرنا» ۇلتتىق پورتالى.
ونىڭ ايتۋىنشا، اكادەميالىق قىزمەتىن حقكو (تسون) فورماتىنا كوشىرگەن وقۋ ورىندارىندا سىبايلاس جەمقورلىق فاكتورلارى ازايعان. بىراق بۇل تاجىريبە دە بۇگىنگى كۇنى ەسكىرگەن جانە ونلاين-فورماتقا تولىق كوشۋدى تالاپ ەتەدى.
«2014 جىلى ەلىمىزدەگى العاشقى جوعارى وقۋ ورنى بولىپ KAZGUU ستۋدەنتتەرى ءۇشىن حقكو اشتى. ءبىر كابينەتكە بارلىق قىزمەتتەر بىرىكتىرىلىپ، ەلەكتروندىق كەزەك ۇيىمداستىرىلدى (ستۋدەنتتىك مۇراعات، وفيس-تىركەۋشى، بۋحگالتەر، زاڭگەر – بارلىعى 8 ادام). وقۋ ورنىنىڭ اكىمشىلىگىمەن تىكەلەي قارىم - قاتىناستان سىبايلاس جەمقورلىق تاۋەكەلدەرى تۋىنداۋى ىقتيمال. بۇگىندە كازگيۋ ستۋدەنتتەرى اكادەميالىق قىزمەتتەر مەن وقۋ پروتسەسىن عانا ەمەس، ءوزىنىڭ قارجىلىق بالانسىن دا ايقىن باقىلاپ وتىرادى. بارلىق مۇمكىندىكتەرى بار ءموبيلدى قوسىمشا دايارلادىق», - دەدى ADAL BILIM جوبالىق كەڭسەسىنىڭ باسشىسى تالعات نارىكباەۆ.
اليك شپەكباەۆ ءموبيلدى قوسىمشا تاجىريبەسىن وڭ باعالاپ، بارلىق باسقا وقۋ ورىندارىن ونى پايدالانۋعا شاقىردى.
«ۋاقىت ءبارىن تەز وزگەرتەدى. ەلىمىزدىڭ ۇزدىك ۋنيۆەرسيتەتتەرىنىڭ ءبىرى KAZGUU ەلەكتروندى فورماتقا كوشتى. ستۋدەنتتەر قاعازباستىلىقتان ارىلىپ, ءوز ۋاقىتىن ۇنەمدەۋى كەرەك جانە تيىسىنشە بارلىعى قاشىقتان ەلەكتروندىق فورماتتا بولۋى ءتيىس. اسىرەسە كوللەدجدەر مەن جوعارى وقۋ ورىندارىندا», - دەپ اتاپ ءوتتى قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ.
تالعات نارىكباەۆتىڭ ايتۋىنشا، مۇنداي شەشىمدى ءوز قىزمەتىنىڭ ساپاسى مەن اشىقتىعىن ارتتىرۋعا ۇمتىلعان ەلىمىزدىڭ كەز كەلگەن جوعارى وقۋ ورنى جاساي الادى. اكادەميالىق ماسەلەلەردى شەشۋ ءۇشىن ستۋدەنتكە ۋنيۆەرسيتەت اكىمشىلىگىمەن بايلانىس ورناتۋدىڭ قاجەتى جوق.
بۇل تۋرالى ول قازاقستانداعى سىبايلاس جەمقورلىققا قارسى ءبىلىم بەرۋدىڭ پروبلەمالارى مەن پەرسپەكتيۆالارىن تالقىلاۋ جونىندەگى كەڭەستە مالىمدەدى.
«ادىرنا» ۇلتتىق پورتالى
