Eýropada joǵary bilim Qazaqstannan arzan. Bul jaıly KAZGUU ýnıversıtetiniń Basqarma tóraǵasy Talǵat Nárikbaev Qazaqstan stýdentteri Alıansy músheleri jáne 100-den astam joǵary oqý oryndarynyń belsendi jastarymen bolǵan onlaın kezdesýinde málimdedi, dep habarlaıdy «Adyrna» ulttyq portaly.
«Menińshe, stýdent joǵary bilim úshin aqsha tólemeýi tıis. Osy ýaqytqa deıin Eýropada joǵary bilim aqysy arzan bolǵanyna tańǵalatyn edik. Mysaly ıspanııalyq stýdentter jylyna bir myń evro tóleıdi. Qazaqstandyq keıbir joo-larda oqý aqysy odan áldeqaıda qymbat. Ispanııalyq rektordan oqytýshylarynyń jalaqysyn suraǵanymda, aıyna 4-5 myń evro aılyq alatynyn aıtty. Óıtkeni memleket oqý oryndaryn tikeleı qarjylandyryp, aılyqty da ózi tóleıdi. Sondyqtan olar qosymsha shyǵyndaryn óteý úshin ǵana stýdentten jylyna 1 myń evro alady», - dep túsindirdi ol.
Tóraǵanyń aıtýynsha, qazaqstandyq joǵary oqý oryndary stýdentke klıent retinde qaraıdy. Shyn mánisinde, ýnıversıtettiń klıenti stýdent emes – jumys berýshi. Óıtkeni naryqta jumys berýshige sapaly bilim alyp shyqqan, básekege qabiletti mamandar qajet.
«Joǵary bilim bızneske aınalmaýy kerek. Stýdent joǵary bilim úshin aqsha tólemeýi tıis. Ýnıversıtet negizinen halqyna, eline qyzmet etýi shart. Ýnıversıtet - kommerııalyq emes, áleýmet aldyndaǵy jaýapkershiligi bar uıym. Stýdentterdiń bilimi men tájirıbesin olardyń aqshalary esebinen damytý múmkin emes. Sebebi sapaly bilim berýdi uıymdastyrýda az qarajat jumsalmaıdy. Sondyqtan bilim sapasyn arttyrǵymyz kelse, oqytýshylardyń jalaqysyn memleket tikeleı qarjylandyrýy kerek (Ispanııa, Germanııa nemese Nıderlandydaǵydaı), al ýnıversıtet qarjylandyrýdyń basqa kózderin qarastyrýy qajet. Mysaly, KAZGIýÝ jeke aqyly kýrstardy, biliktilikti arttyrý baǵdarlamalaryn usynady, ǵylymı zertteý jumystaryn júrgizedi. Sondaı-aq Endaýment qory bar. Onda bizdiń túlekterimiz, meenattar stýdentterdi oqytýǵa jáne ýnıversıtettiń materıaldyq-tehnıkalyq bazasyn jaqsartýǵa kómektesedi»,-dep sózin qorytyndylady Nárikbaev.
«Adyrna» ulttyq portaly
