Mūhamedjan Tazabektı prezident retınde körgısı keletınder paida bolypty. Hanafi Kazakh degen atpen äleumettık jelı qoldanuşy Feisbuktaǧy jüz myŋdaǧan oqyrmany bar toptarǧa «M.Tazabekov bolaşaq prezident» degen sipattaǧy pıkırın toqtausyz taratuda.
«Mūhamedjan Tazabek prezident boluǧa laiyq tūlǧa qoldaiyq aǧaiyn! Mūhamedjan Tazabek eldıŋ tynyştyǧy men berekesın oilady. Şynymen namazdy adam özı üşın oqidy. İslam degen basşyǧa qarsy şyqpaityn, Japon siiaqty qūdaisyz elder siiaqty toŋkerıs jasauǧa tiym salatyn dın. Dünie üşın basqa üşın patşaǧa qarsy şyqqandarǧa toqtau salatyn dın islam. Sondyqtan Mūhaŋ salystyrmaly türde mysal keltırse oǧan öre türegelu äbestık. Mümkın namazdaǧy mūsylmandy milliondaǧan adamnyŋ tolqynynda taptalyp qalmasyn dep polisei tepse tepken şyǧar, bärı de adamdardyŋ tynyştyǧy üşın eŋbek etıp jür. Sondai-aq, Mūhamedjan Tazabektıŋ şendıler aldynda şeşıle söilegenın «Soldattar men polisiiaǧa duhy jetken adam ǧana uaǧyz aita alady», - dep jazdy Hanafi Kazakh.
Būl jazbaǧa qatysty astynda şūbyrǧan pıkırler de nazarymyzdan tys qalmady. Ökınışke qarai, üş jüzden asatyn pıkırdıŋ basym bölıgı M.Tazabekovtı «halyqtyŋ jauy» sanaitynyn aşyq jazǧan. Bırdı, ekılısı ǧana Qazaqstannyŋ İslam memleketıne ainalyp, eldı imandy tūlǧa basqaruyn qalaitynyn bıldırıptı.
Jalpy, äleumettık jelı Qazaq qoǧamynda da belgılı bır küşke ielenıp keledı. Esterıŋızde bolsa, Feisbuk äleumettık jelısı arqyly köptegen problemalar şeşılgen edı. Sonymen qatar, äleumettık jelı keibır tanymal tūlǧalardyŋ jūldyzyn jarqyratsa, endı keibırınıŋ baǧyn basynan ūşyrǧan kezder de az bolmady. Negızınen äleumettık jelıde feikterdıŋ de ülesı az emes. Bız söz etkelı otyrǧan Hanafi Kazakh degennıŋ naqty kım ekenı belgısız. Alaida feik akkauntpen özınıŋ ışkı nietın jüzege asyruǧa jantalasatyn şynaiy adamdardy da joqqa şyǧaruǧa bolmas. Sonymen būl Hanafi Qazaq degen kım?
Paraqşasyn erınbei, süzıp qarap şyqtyq. Tek qana dıni uaǧyzdar men dıni aqparattar jariialaityn adam eken. Sonymen qatar onyŋ Tazabekovtıŋ fanaty ekenın jazbalarynan anyq aŋǧaru qiyn emes. Soǧan qaraǧanda, Tazabekovpen ündes adam boluy, Tazabekovtı pır tūtatyn adam siiaqty. Onysy üşın jäne dıni paiymy üşın ony aiyptau aqylǧa syimas. Alaida Qazaqstannyŋ zaiyrly el ekenın zaŋ jüzınde eskersek, Hanafi Qazaq sekıldılerdıŋ äleumettık jelıde dınge şaqyryp, uaǧyz jürgızuı, öz dının özgelerge tyqpalauy qanşalyqty zaŋdy degen sūraq tuyndaidy.
Eldıŋ qytyǧyna tietın mynadai ūsynysyn jüz myŋdaǧan adamnyŋ ortasynda jazu nenı bıldıredı? Ne būl adam Tazabektıŋ taza dūşpany, ne bolmasa, Tazabektıŋ ainalasyndaǧy bır adam boluy mümkın. Dūşpany dep nenı meŋzedık? Mūhamedjan Tazabekke «köpşık qoia» otyryp, jūrttyŋ aldynda ärmen qarai bedelın tüsıru nietı jatuy mümkın būl adamnyŋ. Sonymen qatar, prezidenttıkke dämelı keibır kısılerdı Tazabekke aidap salu äreketı de boluy äbden mümkın. Al eger, Tazabektıŋ öz adamdarynan bolsa, onda būl jazbanyŋ avtoryn omaqasa qūlady deuge bolady. Öitkenı, feiktıŋ jazbasyn jalaulatyp, qoldau körsetkender öte az jäne kerısınşe Tazabektıŋ adresıne auyr sözder aitylypty. Eger būl jazbadan M.Tazabektıŋ özı habarsyz bolsa, öte obal bolǧan siiaqty. Bekerge jūrttyŋ jaman sözınıŋ astynda aty atalyp, jaǧymsyz obrazy somdaluda.
Meruert HUSAİNOVA,
«Adyrna» ūlttyq portaly.
Foto aşyq derekközden alyndy.Ūqsas jaŋalyqtar
