Jurnalist Bibıgül Däuletbekqyzy qazaq şou-biznes ökılderınıŋ Türkiia men Arab elıne qarjy qūiyp, ekı eldı baiytqandaryn synǧa aldy. Avtordyŋ aituynşa, qazır ekınıŋ bırı, egızdıŋ syŋary "Umrada jürmın" degen suretterın jarysa jariialaityn bolǧan. Sonymen qatar, jurnalistıŋ aituynşa, künı keşe denesın jalaŋaştap, bügın oramalǧa bürkengender men Türkiiada ömır süretınder el ışıne ırıtkı salyp, qazaqty Auǧanstan jolyna qarai baǧyttap otyr. Būl jaily "Adyrna" ūlttyq portaly jazdy.
Jurnalist Bibıgül Däuletbekqyzy öz pıkırın bylaişa bıldırdı:
- İnstagramdy aşsaŋ boldy aldyŋnan Mekkede jürgen şou-biznesterdıŋ saiqymazaqtary: "Umrada jürmın" degen suretterın jarysa saluda. Keşe ǧana dötenın jaltyratyp jürgen änşılerıŋ oramalǧa bürkenıp jatyr şetterınen.Jä, öz qalauy. Bıraq sobıreuler milliondaǧan qyz-kelınşekterdıŋ miyn ulaidy da, sol hidjabyn qaita şeşıp tastaitynyna jynym ūstaidy!Nemene moda bolyp ketken be Mekkege baru?!Solarǧa qoiar sūraǧym: sender özı soŋǧy ret būl dünieden ötken ata-äjelelerıŋnıŋ, jaqyndaryŋnyŋ ziratyna qaşan bardyŋdar?Äruaq riza bolmai - tırı baiymaidy.Osylai kete bersek, bır künı Auǧan elıne ainalamyz ba dep qorqamyn!A, aitpaqşy, keşe Mūhamedjan Tazabekov Almatyda qyzyn ūzatyp, ol toiǧa Bekbolat Tıleuhannan bastap bükıl änşıler, yǧailar men syǧailar bolypty ǧoi. "Toidaǧy äielderdıŋ bärı bürkenıp alǧan hidjapqa, qūddy Saud Arab elınde jürgendei boldym" dep aityp jatyr barǧandar. Jetısken ekenbız dedım.Qyzyq deimın de... Būl kısıler Türkiiada ömır süredı, toilaryn elde jasaidy, - dep jazdy jurnalist.
Sonymen qatar, ötkır jazyp, kesıp aituǧa maşyqtanǧan jurnalist kezektı jazbasynda qazaqtyŋ basyn ainaldyryp, eldı adastyrǧandardy synady. Qazaq, özbek, qyrǧyzdyŋ qam-qareketın şendestırdı.
- Türkiia men Arab elı Qazaqstanǧa yrza şyǧar. Osy ekı eldı älgı saiqymazaqtar men änşıler jarnamalap äbden baiytty. Hidjapqa oranyp alyp ändetıp, odan qaldy tüpsanalaryn oiatamyn degen psihologsymaqtary eldı adastyryp boldy. Solardy elımızdıŋ satqyndary der edım! Sebebı, elın oilasa, qarjyny milliardtap syrtqa şyǧarmai eldıŋ ışıne salar edı ǧoi. Özbek aǧaiyndar men qyrǧyzdardy qaraŋyzdarşy, şet elde jūmys jasaidy da, sol tapqan tabysyn elge äkelıp jūmsaidy. Al bızdıŋ qauaqbastar kerı jüredı, - dedı Bibıgül Däuletbekqyzy.
"Adyrna" ūlttyq portaly
Ūqsas jaŋalyqtar
Türkiia
Auǧanstan
saiasat
dın
şetel
ūlt
Tazabek
ūlttyq qūndylyqtar
ūlt taǧdyry
qazaq qoǧamy
qazaq qalpy
