Qoǧam «jūldyzǧa» teŋegen änşıler men tanymal tūlǧalar soŋǧy uaqytta dındı aşyq uaǧyzdaityn boldy. Qazaqstan Respublikasynyŋ Ata zaŋynan habarsyz ba, älde zaŋdy attap ötu äreketı me, äiteuır «jūldyzdar» belgılı bır dıni tüsınıkterın körıngen jerge tyqpalaityn ädet tapty. Qazaqstan zaiyrly memleket ekenımen bas auyrtpaǧan «jūldyzdar» äleumettık jelıde öz qataryna qosyluǧa da jūrtty aşyq şaqyra bastady. Osyǧan bailanysty ekı azamattyŋ pıkırın nazarlaryŋyzǧa ūsynudy jön kördık.
Erbolat Baiatūly:"Qazaqstanda, Qyrǧyzstanda arabtandyru prosessı radikaldy dıni ideologiia arqyly qarqyndy jürılude. Telearnada, meşıtterde, odan qaldy äleumettık jelılerde ūlttyq bolmysty tamyrynan qyrqyp jatyr. Dındegı formalizmnıŋ arǧy jaǧynda dıni ekstremizm tūr. Arabtan aqşa alǧandar aqyly az, tanymy tömen, bılımı joq tanymal jastardy- änşılerdı, sportşylardy özderıne qūral retınde paidalanuda. Dıni ekspansiia- ūltty tübegeilı qūrtatyn eŋ tiımdı täsıl. Tez arada tyiym kerek. Memlekettık deŋgeide. Äitpese erteŋ bärı keş bolady.
P.S Myna surettegıler qyrǧyzdyŋ jas qyz- kelınşekterı. Bärı sahnada jürgen änşıler eken".
Erlan FAIZULLAEV: "Myna arabtyŋ kiımın kiıp, arab bolǧysy keletınder köbeiıp kettı.Elımızde zauyt,fabrikany jauyp onyŋ ornyna meşıt salyp,halyqtyŋ sanasyn ulap jatyr. Halyq bolǧanda da onyŋ ışınde jastardyŋ sanasyn ulap tastady.
İyǧyna jarty qap jün ösırıp alǧandardyŋ söz bastauynyŋ özı, arabtyŋ anhu manhu degen adam tüsınıksız attaryn atap bastaidy. Sol arabty därıptegenşe Qabanbai, Bögenbai, Mahambet pen İsataidy nege aitpaidy.
Bızde jastardy jalpy halyqty änşıge tabyndyryp qoidy. Endı kelıp,mynau änşılerdı şyǧara bastady. Qanşama aitysta bäigenı bermegen Ainur jür uf suf deseŋ üi alasyŋ dep 1 tai matamen oranyp.
Sonşama meşıt salǧanşa nege jastarǧa mümkındık beretın oryndar aşpaidy.Ǧylymmen ainalysatyn. Elımızden jyl saiyn qanşama jastar şetel asyp ketıp jatyr. Ǧylymǧa bet būrǧan tek damyǧan elder, ol turaly foto saldym. Zauyttardy joq qyldy. Profsoiuzdan qorqyp.
1 üide 5 bala bolsa iaǧni 1 kap 1 saptan şyqqan.Sol 5 balany 5 jaqqa qaratty.
1şı bala bilıkte
2şı bala vahabbist
3şı bala belsendı
4şı bala polisiia
5 şı bala oǧan bärıbır.
Solai qazaqtyŋ yntymaǧyn qūrtty. Auyzbırşılıktı joidy.
Qazır üzdıksız molda imamdar jastardyŋ sanasyn ulauda. Dındı saiasi ulau qūraly etıp aldy. Äsıre dınşıl dın būzar dep dındı būzdy.
Körşı Özbekstan vahabbizm salafizmge tosqauyl qoidy.Al bız qöp ūltty, köp dındı MÄŊGÜRT el boldyq. Ertengı bolaşaq öte būlyŋǧyr.
OILANAIYQ ata baba jürıp ötken joldan taimaiyq".
Osy jazbalardyŋ astynda pıkır qaldyruşylar ekıge qaq jaryldy. Bırı İslamdy jaqtap, ädettegıdei qarǧysyn jaudyrsa, endı bırı dındı uaǧyzdaudyŋ zaŋǧa qaişy ekenın alǧa tartty. Sondai pıkırlerdıŋ ışınen: «Qazaq änşılerın äruaq ūrdy» degen jazba men «Dındı äspetteuşıler, üiıŋızdegı dünienıŋ jartysynan köbı käpırlerdıŋ jasaǧan düniesı. Qoldaryŋnan kelse, sol dünielerdı laqtyryŋdar» degen pıkırler dındı jaqtauşylardyŋ öte sauatsyz, qatege toly pıkırlerınıŋ ışınde menmūndalap tūrǧandai körındı. Senbeseŋız, sıltememen ötıp, erınbei oqyp, tarazylap şyǧyŋyzşy. Dındı jaqtauşylardyŋ qaisysy sauatty, saliqaly pıkır qaldyrypty? Bälkım, dınşılderdıŋ dıni bılım öresı de öz jazbasynyŋ ainalasynda bolǧany ma degen ökınıştı oi basyŋyzǧa erıksız keledı eken.
Meruert HUSAİNOVA,
«Adyrna» ūlttyq portaly.
Foto aşyq derekközden alyndy.Ūqsas jaŋalyqtar
