Memleket basşysy Qasym-Jomart Toqaev pravoslav hristiandaryn Pasha merekesımen qūttyqtady, dep habarlaidy "Adyrna" ūlttyq portaly.
Qasym-Jomart Toqaev meiramnyŋ meiırımdılıktı, beibıtşılıktı, ädıldıktı därıptep, köpşılıktı
qaiyrymdylyq jasauǧa, jaqyndaryna janaşyr boluǧa şaqyratyn atap öttı.
"Qazaqstanda zaŋ üstemdıgın ornyqtyru, azamattarǧa teŋ mümkındıkter ūsynu jäne olardyŋ qūqyqtary men bostandyqtaryn qorǧau üşın auqymdy özgerıster jalǧasa beredı. Bız jalpyūlttyq bırlıktı nyǧaityp, baǧa jetpes bailyǧymyz – etnostar mädenietınıŋ jäne dıni salt-dästürdıŋ äraluandyǧyn saqtaimyz. Pasha merekesı är şaŋyraqqa şattyq pen quanyş äkelsın! Barşaŋyzǧa zor densaulyq, baq-bereke jäne tolaǧai tabys tıleimın!".
Prezident, sonymen qatar, eldegı tūraqtylyq pen damuǧa üles qosyp, gumanizm, dıni tözımdılık jäne tıleulestık siiaqty qūndylyqtardy ornyqtyruǧa pravoslav qauymynyŋ zor üles qosyp kele jatqanyn söz ettı.
"Adyrna" ūlttyq portaly
Ūqsas jaŋalyqtar
