«ارتىستەردى ارۋاق اتتى» ما؟

6176
Adyrna.kz Telegram

قوعام «جۇلدىزعا» تەڭەگەن انشىلەر مەن تانىمال تۇلعالار سوڭعى ۋاقىتتا ءدىندى اشىق ۋاعىزدايتىن بولدى. قازاقستان رەسپۋبليكاسىنىڭ اتا زاڭىنان حابارسىز با، الدە زاڭدى اتتاپ ءوتۋ ارەكەتى مە، ايتەۋىر «جۇلدىزدار» بەلگىلى ءبىر ءدىني تۇسىنىكتەرىن كورىنگەن جەرگە تىقپالايتىن ادەت تاپتى. قازاقستان زايىرلى مەملەكەت ەكەنىمەن باس اۋىرتپاعان «جۇلدىزدار» الەۋمەتتىك جەلىدە ءوز قاتارىنا قوسىلۋعا دا جۇرتتى اشىق شاقىرا باستادى. وسىعان بايلانىستى ەكى ازاماتتىڭ پىكىرىن نازارلارىڭىزعا ۇسىنۋدى ءجون كوردىك.

 ەربولات باياتۇلى:"قازاقستاندا، قىرعىزستاندا ارابتاندىرۋ پروتسەسسى راديكالدى ءدىني يدەولوگيا ارقىلى قارقىندى جۇرىلۋدە. تەلەارنادا، مەشىتتەردە، ودان قالدى الەۋمەتتىك جەلىلەردە ۇلتتىق بولمىستى تامىرىنان قىرقىپ جاتىر. دىندەگى ءفورماليزمنىڭ ارعى جاعىندا ءدىني ەكسترەميزم تۇر. ارابتان اقشا العاندار اقىلى از، تانىمى تومەن، ءبىلىمى جوق تانىمال جاستاردى- انشىلەردى، سپورتشىلاردى وزدەرىنە قۇرال رەتىندە پايدالانۋدا. ءدىني ەكسپانتسيا- ۇلتتى تۇبەگەيلى قۇرتاتىن ەڭ ءتيىمدى ءتاسىل. تەز ارادا تىيىم كەرەك. مەملەكەتتىك دەڭگەيدە. ايتپەسە ەرتەڭ ءبارى كەش بولادى.

P.S مىنا سۋرەتتەگىلەر قىرعىزدىڭ جاس قىز- كەلىنشەكتەرى. ءبارى ساحنادا جۇرگەن انشىلەر ەكەن".

ەرلان فايزۋللاەۆ: "مىنا ارابتىڭ كيىمىن كيىپ، اراب بولعىسى كەلەتىندەر كوبەيىپ كەتتى.ەلىمىزدە زاۋىت،فابريكانى جاۋىپ ونىڭ ورنىنا مەشىت سالىپ،حالىقتىڭ ساناسىن ۋلاپ جاتىر. حالىق بولعاندا دا ونىڭ ىشىندە جاستاردىڭ ساناسىن ۋلاپ تاستادى.

يىعىنا جارتى قاپ ءجۇن ءوسىرىپ العانداردىڭ ءسوز باستاۋىنىڭ ءوزى، ارابتىڭ انحۋ مانحۋ دەگەن ادام تۇسىنىكسىز اتتارىن اتاپ باستايدى. سول ارابتى دارىپتەگەنشە قابانباي، بوگەنباي، ماحامبەت پەن يساتايدى نەگە ايتپايدى.

بىزدە جاستاردى جالپى حالىقتى انشىگە تابىندىرىپ قويدى. ەندى كەلىپ،مىناۋ انشىلەردى شىعارا باستادى. قانشاما ايتىستا بايگەنى بەرمەگەن اينۋر ءجۇر ۋف سۋف دەسەڭ ءۇي الاسىڭ دەپ 1 تاي ماتامەن ورانىپ.

سونشاما مەشىت سالعانشا نەگە جاستارعا مۇمكىندىك بەرەتىن ورىندار اشپايدى.عىلىممەن اينالىساتىن. ەلىمىزدەن جىل سايىن قانشاما جاستار شەتەل اسىپ كەتىپ جاتىر. عىلىمعا بەت بۇرعان تەك دامىعان ەلدەر، ول تۋرالى فوتو سالدىم. زاۋىتتاردى جوق قىلدى. پروفسويۋزدان قورقىپ.

1 ۇيدە 5 بالا بولسا ياعني 1 كاپ 1 ساپتان شىققان.سول 5 بالانى 5 جاققا قاراتتى.

ء1شى بالا بيلىكتە

ء2شى بالا ۆاحاببيست

ء3شى بالا بەلسەندى

ء4شى بالا پوليتسيا

5 ءشى بالا وعان ءبارىبىر.

سولاي قازاقتىڭ ىنتىماعىن قۇرتتى. اۋىزبىرشىلىكتى جويدى.

قازىر ۇزدىكسىز مولدا يمامدار جاستاردىڭ ساناسىن ۋلاۋدا. ءدىندى ساياسي ۋلاۋ قۇرالى ەتىپ الدى. اسىرە ءدىنشىل ءدىن بۇزار دەپ ءدىندى بۇزدى.

كورشى وزبەكستان ۆاحاببيزم سالافيزمگە توسقاۋىل قويدى.ال ءبىز قوپ ۇلتتى، كوپ ءدىندى ماڭگۇرت ەل بولدىق. ەرتەنگى بولاشاق وتە بۇلىڭعىر.

ويلانايىق اتا بابا ءجۇرىپ وتكەن جولدان تايمايىق".

وسى جازبالاردىڭ استىندا پىكىر قالدىرۋشىلار ەكىگە قاق جارىلدى. ءبىرى يسلامدى جاقتاپ، ادەتتەگىدەي قارعىسىن جاۋدىرسا، ەندى ءبىرى ءدىندى ۋاعىزداۋدىڭ زاڭعا قايشى ەكەنىن العا تارتتى. سونداي پىكىرلەردىڭ ىشىنەن: «قازاق انشىلەرىن ارۋاق ۇردى» دەگەن جازبا مەن «ءدىندى اسپەتتەۋشىلەر، ۇيىڭىزدەگى دۇنيەنىڭ جارتىسىنان كوبى كاپىرلەردىڭ جاساعان دۇنيەسى. قولدارىڭنان كەلسە، سول دۇنيەلەردى لاقتىرىڭدار» دەگەن پىكىرلەر ءدىندى جاقتاۋشىلاردىڭ وتە ساۋاتسىز، قاتەگە تولى پىكىرلەرىنىڭ ىشىندە مەنمۇندالاپ تۇرعانداي كورىندى. سەنبەسەڭىز، سىلتەمەمەن ءوتىپ، ەرىنبەي وقىپ، تارازىلاپ شىعىڭىزشى. ءدىندى جاقتاۋشىلاردىڭ قايسىسى ساۋاتتى، ساليقالى پىكىر قالدىرىپتى؟ بالكىم، دىنشىلدەردىڭ ءدىني ءبىلىم ورەسى دە ءوز جازباسىنىڭ اينالاسىندا بولعانى ما دەگەن وكىنىشتى وي باسىڭىزعا ەرىكسىز كەلەدى ەكەن.

مەرۋەرت حۋساينوۆا،

 «ادىرنا» ۇلتتىق پورتالى.

فوتو اشىق دەرەككوزدەن الىندى.

پىكىرلەر