Jurnalist Ruslan Ötepbai täuelsız baǧdarlamasynda jasöspırım qyzdyŋ taǧdyryn baiandady. Onyŋ aituynşa, Fatima esımdı qyz 13 jasynda ögei äkesı tarapynan tūrmysqa berılgen, dep habarlaidy "Adyrna" ūlttyq portaly.
Jurnalist jeke iutub arnasynda otbasy turaly beine jariialaǧan.
"Tanys bolyŋyzdar! Būl qyzdyŋ esımı- Fatima. Aituynşa, ögei äkesı ony 13-jasynda 30 jasar jıgıtke tūrmysqa bergen. Nebärı üş synyptyq bılımı bar. Būl otbasyda balalar mektepke uaqytyly barmaǧan. Sebebı äkelerı bır partada ūl men qyzdyŋ otyruyn «haram» dep qabyldap, qyzdaryn mektepke bermegen", - dep habarlady Ruslan Ötepbai.
Fatima esımdı keiıpker ekınşı ret tūrmys qūrǧanyn habarlaǧan. Körşısınıŋ aituynşa, qyzdy tūrmysqa bergen ögei äke otbasymen tūrmaidy.
Baǧdarlamada otbasy turaly da aqparat berılgen. Äieldıŋ tört balasy bar. Baspanasy jūpyny, kömırdı de qaryzǧa alyp jaǧyp otyr. Al ögei äkenıŋ özge äielderı men bırneşe balasy bar ekenı aitylǧan.
