Qazir joǵary oqý ornyn támamdaǵan jastar úshin mamandyq boıynsha jumysqa turý qıyn. Sebebi ýnıversıtet olarǵa 4 jyldan keıin qajetine asatyn daǵdylardy úıretpeı, teorııamen shekteledi. Joǵary bilim salasynyń negizgi klıenti — jumys berýshi bolǵandyqtan olardyń talaby da eskerilmeı keledi. Qazirgi tańda, jumys berýshilerdi de bilim baǵdarlamalarynyń ózektiligi men sapasy alańdatyp otyr. Atameken UQP-nyń sońǵy málimetine súıensek, jalpy alǵanda jumys berýshilerdiń 68 paıyzy qazirgi oqý baǵdarlamasyna kóńilderi tolmaıdy. Qazaqstanda 60-tan astam JOO-da oqyǵan túlekterdiń jartysy jumyssyzdar qatarynda.
Osy oraıda, « Jumys berýshilerdiń oqý oryndary túlekterine kóńili tola ma» degen taqyryp, QR Bilim jáne ǵylym mınıstrligine qarasty ADALBILIM jobalyq ofısiniń alańyndaǵy tikeleı efırde talqylandy. Moderator M.Nárikbaev atyndaǵy KAZGUU ýnıversıteti Basqarma tóraǵasynyń orynbasary Erbolat Muhamedjan boldy.
M.S. Nárikbaev atyndaǵy KAZGIýÝ Ýnıversıtetiniń provosty Sergeı Pen ulttyq ýnıversıtetterdiń kontıngentine baılanysty jaqsy mysal keltirdi. Ol ózi basqaryp otyrǵan oqý ornynyń professory, Ekonomıka Joǵary Mektebiniń dırektory Sáýle Kemelbaevanyń doktorlyq dıssertaııasyndaǵy málemetpen bólisti. Sáýle Kemelbaeva arnaıy saraptama júrgizgen eken.
«Ulttyq ýnıversıtetter grantqa óte kóp stýdent qabyldaıdy. Memleket ár stýdenttiń oqý aqysyn ulttyq ýnıversıtetke tólep otyr. Demek, UBT-dan joǵary ball alǵan talapkerler aqyly bólimge túskenderge qaraǵanda áldeqaıda bilimdi. Ulttyq ýnıversıtettiń statýsy bar. Sáýle Kemelbaevanyń saraptama qortyndysy boıynsha, ulttyq oqý ornyn bitirgen stýdenttiń aqyly bólimde, jeke menshik ýnıversıtetti támamdaǵan mamannan esh artyqshylyǵy joq, keı jaǵdaıda aılyqtary tómen bolyp shyqqan. Sonda 4 jyl boıy ol stýdenttiń potenıaly óspegen. Ulttyq ýnıversıtetter naryqqa sapaly maman daıyndap otyrǵan joq», - deıdi Sergeı Pen.
«Adyrna» ulttyq portaly.
Foto ashyq derekkózden alyndy.
