قازىر جوعارى وقۋ ورنىن تامامداعان جاستار ءۇشىن ماماندىق بويىنشا جۇمىسقا تۇرۋ قيىن. سەبەبى ۋنيۆەرسيتەت ولارعا 4 جىلدان كەيىن قاجەتىنە اساتىن داعدىلاردى ۇيرەتپەي، تەوريامەن شەكتەلەدى. جوعارى ءبىلىم سالاسىنىڭ نەگىزگى كليەنتى — جۇمىس بەرۋشى بولعاندىقتان ولاردىڭ تالابى دا ەسكەرىلمەي كەلەدى. قازىرگى تاڭدا، جۇمىس بەرۋشىلەردى دە ءبىلىم باعدارلامالارىنىڭ وزەكتىلىگى مەن ساپاسى الاڭداتىپ وتىر. اتامەكەن ۇقپ-نىڭ سوڭعى مالىمەتىنە سۇيەنسەك، جالپى العاندا جۇمىس بەرۋشىلەردىڭ 68 پايىزى قازىرگى وقۋ باعدارلاماسىنا كوڭىلدەرى تولمايدى. قازاقستاندا 60-تان استام جوو-دا وقىعان تۇلەكتەردىڭ جارتىسى جۇمىسسىزدار قاتارىندا.
وسى ورايدا، « جۇمىس بەرۋشىلەردىڭ وقۋ ورىندارى تۇلەكتەرىنە كوڭىلى تولا ما» دەگەن تاقىرىپ، قر ءبىلىم جانە عىلىم مينيسترلىگىنە قاراستى ADALBILIM جوبالىق ءوفيسىنىڭ الاڭىنداعى تىكەلەي ەفيردە تالقىلاندى. مودەراتور م.نارىكباەۆ اتىنداعى KAZGUU ۋنيۆەرسيتەتى باسقارما توراعاسىنىڭ ورىنباسارى ەربولات مۇحامەدجان بولدى.
م.س. نارىكباەۆ اتىنداعى كازگيۋ ۋنيۆەرسيتەتىنىڭ پروۆوستى سەرگەي پەن ۇلتتىق ۋنيۆەرسيتەتتەردىڭ كونتينگەنتىنە بايلانىستى جاقسى مىسال كەلتىردى. ول ءوزى باسقارىپ وتىرعان وقۋ ورنىنىڭ پروفەسسورى، ەكونوميكا جوعارى مەكتەبىنىڭ ديرەكتورى ساۋلە كەمەلباەۆانىڭ دوكتورلىق ديسسەرتاتسياسىنداعى مالەمەتپەن ءبولىستى. ساۋلە كەمەلباەۆا ارنايى ساراپتاما جۇرگىزگەن ەكەن.
«ۇلتتىق ۋنيۆەرسيتەتتەر گرانتقا وتە كوپ ستۋدەنت قابىلدايدى. مەملەكەت ءار ستۋدەنتتىڭ وقۋ اقىسىن ۇلتتىق ۋنيۆەرسيتەتكە تولەپ وتىر. دەمەك، ۇبت-دان جوعارى بالل العان تالاپكەرلەر اقىلى بولىمگە تۇسكەندەرگە قاراعاندا الدەقايدا ءبىلىمدى. ۇلتتىق ۋنيۆەرسيتەتتىڭ ستاتۋسى بار. ساۋلە كەمەلباەۆانىڭ ساراپتاما قورتىندىسى بويىنشا، ۇلتتىق وقۋ ورنىن بىتىرگەن ستۋدەنتتىڭ اقىلى بولىمدە، جەكە مەنشىك ۋنيۆەرسيتەتتى تامامداعان ماماننان ەش ارتىقشىلىعى جوق، كەي جاعدايدا ايلىقتارى تومەن بولىپ شىققان. سوندا 4 جىل بويى ول ستۋدەنتتىڭ پوتەنتسيالى وسپەگەن. ۇلتتىق ۋنيۆەرسيتەتتەر نارىققا ساپالى مامان دايىنداپ وتىرعان جوق»، - دەيدى سەرگەي پەن.
«ادىرنا» ۇلتتىق پورتالى.
فوتو اشىق دەرەككوزدەن الىندى.
