«Men erekshemin. Men mektepke bara almaımyn. Biraq men de sabaq oqı alamyn. Men júgire almaımyn. Biraq men de oınaı alamyn. Men ózdigimnen as ishe almaımyn. Biraq men de táttini jaqsy kóremin»...Bul sózder jarymjan balaqaılardyń monology. Bul sózder siz ben biz estı bermeıtin múgedek balalardyń janaıqaıy.
Derekterge súıensek, jer shary turǵyndarynyń 10 paıyzy múgedekter. Al, múmkindigi shekteýli jandar – qoǵamymyzdyń bir bóligi. Olardyń ózindik sheshimin kútip turǵan máseleleri de az emes.
Alaıda, osyndaı álsiz jandardyń qasynda ómiriniń kóp bóligin ótkizetin qyzmetkerler týraly biz kóbine oılana, mán bere bermeımiz. Múgedek jandardyń kútýshisin bizdiń qoǵamda áleýmettik sala qyzmetkerleri dep ataıdy. Mine, osy qyzmetkerlerdiń elimizdegi áleýmettik statýsy men jaǵdaıy qandaı eken?
Áleýmettik qyzmetkerlerdiń aılyq tabysy qandaı?
Áleýmettik qyzmetker: «Jumysymyzdyń qıyndyǵyna qaramastan bizderge tólenetin aılyq jalaqy óte tómen. Múgedektermen jumys jasaý ońaı emes, ári ekiniń biriniń júregi daýalamaıdy. Osy faktorlardy eskerip, bizdiń aılyq tabysymyzdy kóterse eken deımiz. Sonda osy salaǵa keletin mamandardyń da sany artar edi».
Iá, áleýmettik qyzmetkerlerdiń 40 myńnan 90 myńǵa deıingi alatyn jalaqy deńgeıiniń olar atqaryp otyrǵan aýyr jumysqa sáıkes kelmeýi saldarynan bilikti kadrlardyń tapshylyǵy áli de bolsa sezilýde.
Múgedekterge berilgen múmkindik
«Jambyl oblystyq múgedek balalardy ońaltý jáne beıimdeý ortalyǵy» óńirdegi áleýmettik qyzmet kórsetýdiń ozyq úlgisin kórsetip keledi. Mekemeden meıirimdi meıirbıke de, bala janyn tereń túsinetin psıholog ta, defektolog te tabylady. Bul arnaıy bilim berý ortalyǵy bolmasa da, erekshe balalardyń damýy úshin únemi jaǵdaı jasaıdy. Ártúrli merekelik sharalar, sporttyq jarystar uıymdastyryp, ár balanyń tulǵalyq ári jan-jaqty tanylýyn basty orynǵa qoıady. Mundaı sharalarǵa jıi qatysqan balanyń kóńilinde senimdilik paıda bolyp, ómirge degen qushtarlyǵy da artatynyn da psıhologtar rastap otyr.
Júregi keń jambyldyqtar ortalyq ǵımaratynyń tar bolýyna baılanysty, buryn bala syıdyra almaı qınalýshy edi. Minberdegilerdiń múgedekterge meıirimi túsip búginde balalardy ońaltý ortalyǵynyń jańa ǵımaratyn ashyp berdi. Bul shara Jambyl oblysy ákimdiginiń jumyspen qamtý jáne áleýmettik baǵdarlamalar basqarmasynyń bastamasymen júzege asty. Merekege muryndyq bolǵan basqarma basshysy Jorabek Nurmergenuly Baýbekov qazan aıynyń 7 kúni Ortalyqtyń jańa ǵımaratynyń kiltin tabys etti.
Atqarylǵan sharýalardy súzip shyqsaq:
- 2700 sharshy metrdi qamtıtyn burynǵy ortalyq ǵımarat mańaıyn abattandyryp, tolyqtaı kúrdeli jóndeýden ótkizýge oblystyq bıýdjetten 160 413,0 tg bólindi. Jóndeý jumystary 6 aıdy qamtyp, 2020 jyldyń 22 qyrkúıeginde aıaqtaldy. Ortalyqtyń materıaldyq bazasyn jaqsartý maqsatynda jıhazdar men arnaıy jabdyqtar úshin 12 556,0 tg qarajat jumsaldy.
- Kúrdeli jóndeýden ótken 3 qabatty ǵımaratta sensorlyq bólme, mantessorı kabıneti jáne defektolog, logoped mamandary sabaq ótkizetin 3 oqý bólmeleri bar.
- Medıınalyq blok: Emdik dene shynyqtyrý, ýqalaý bólmesi, oqshaýlaý, fızıoemdeý, sterılızaııalaý jáne dárigerler men emshara bólmeleri bar. Qyzmet alýshy balalarǵa arnalǵan saltanatty is- sharalar ótkizetin mýzyka zaly bar.
- Mektepke deıingi jastaǵy 44 bala 4 top boıynsha bólingen. Qyzmet alýshy balalar úshin oıyn, sheshiný, uıyqtaıtyn bólmeler qarastyrylǵan. Mektep jasyndaǵy 24 jetkinshek úshin arnaıy eńbek baýlýý, balalardyń júrip, turýyna yńǵaılastyrylǵan lıft jáne oıyn bólmeleri bar. Birinshi jáne úshinshi qabattarda balalardyń 2 mezgil tamaqtanýy úshin ashana ornalasqan. Ǵımarattyń aýmaǵynda 5 oıyn alańy bar.
- Sondaı- aq ortalyqqa arnaıy ońaltý jumystaryna qajetti jabdyqtar satyp alyndy: ortopedııalyq stoldar, vertıkalızatorlar, úlken qurǵaq basseın, «Faeton», «Gravıstat» sekildi arnaı neıroterapııalyq kostıýmder,fızıoterapııalyq jabdyqtar jáne mıkropollıarızaııalar.
- Ortalyqtyń jańa ǵımaratynyń ashylýy sebepti qyzmet alýshylar sany 40 baladan, 68-ge kóbeıtildi. Osyǵan oraı qosymsha 28 jańa qyzmetker jumyspen qamtyldy.
«Bárimiz birdeımiz, kemsitýdi bilmeımiz». Múmkindigin taǵdyr taryltqan jandardyń kóńilin aýlaý - kimniń bolsa da kisilik paryzy. Osy oraıda áleýmettik qorǵaý júıesi qyzmetkerleriniń róli erekshe. Aıta keteıik, Elbasynyń «Qazaqstan Respýblıkasynyń merekeleri týraly» Jarlyǵyna sáıkes, qazan aıynyń ekinshi jeksenbisi – múmkindigi shekteýli azamattar kúni, al, sońǵy jeksenbisi - Áleýmettik qorǵaý júıesi qyzmetkerleriniń kúni bolyp belgilengen. Aıtylmysh shara osy merekege oraı uıymdastyryldy. Sondyqtan, kómekke muqtaj jandar men áleýmettik sala ókilderiniń ózara baılanysy da bekem, merekeleri de mazmundas.
«Adyrna» ulttyq portaly.
