Aqyldy áıel bolý jaqsy. Biraq kóregen áıel bolý odan da artyq. Danalyq aqyldan nesimen erekshelenedi?
Aqyldy áıel eriniń qatesin kórip, kózine shuqıdy. Bul týraly eskertkenin eske salady. Dana áıel qoldaıdy, qolpashtaıdy, keıde baıqamaǵansıdy.
Basqa kún týsa, aqyldy áıel tizgindi qolyna alady. Kúıeýine qalaı durys ómir súrý kerektigin kórsetedi. Dana áıel baıqaýsyzda tek baǵytty nusqap jiberip, sol jolda únemi qasynan tabylyp otyrady.
Aqyldy áıel balalaryna matematıkany qandaı jaǵdaıda da úıretedi. Al dana áıel ár balanyń boıynan tulǵany tanıdy.
Aqyldy áıel jumysta ózgelerden artyq bolýǵa tyrysady. Qate jasamaýǵa baryn salady. Soǵan qaramastan ujymnyń kópshiligi onymen saqtyqpen aralasatyn bolady. Dana áıel jumys ornyna jylý syılap, ár áriptesimen syılastyq ornatady.
Aqyldy áıel eresek ul-qyzynyń isine aralasyp, olar suramasa da keńes berip, aqyl aıtyp, balany qalaı durys ósirý kerektigimen mazalaıdy. Dana áıel balalaryna ózindik tájirıbe jınaýǵa múmkindik berip, eshteńege aralaspaıdy, tek qajet kezinde qoldaý tanytady.
Aqyldy áıel enesiniń yqpalynan shyǵýǵa nıet qylady. Ata-anadan táýelsiz ketip, erkin ómir súrýge tyrysady. Olardyń aqylyna qulaq salmaıdy. Sol úshin urysýǵa da barady. Dana áıel aqyl aıtqan adamǵa jymıyp, úndemeı kelisedi. Biraq bárin óz aqylymen sheshedi. Mahabbatpen tańdaý jasaıdy.
Aqyldy áıel búkil álemdi ózgertip, tiri jannyń bárin qaıtyp tárbıelegisi kelip turady. Dana áıel ózi ózgerýge bel baılaıdy. Ózgelerdi de qalaı bar bolsa, solaı qabyldaı biledi.
Aqyldy áıel kimdiki durys bolsa, sol baqytty dep oılaıdy. Al dana áıel kim baqytty bolsa, sonyki durys ekenin biledi.
"Adyrna " ulttyq portaly
