Mektep direktory balalarymen terezeden sekırgen äiel turaly aityp berdı, - dep habarlaidy "Adyrna" ūlttyq portaly Tengrinews.kz saityna sılteme jasap.
Qaitys bolǧan 6 jasar qyz oqyǧan №141 mektep direktory būl otbasynan eşqandai ersı qylyqtar baiqamaǧanyn aitady.
"Qyz bırınşı synypta oqityn. Aşyq-jarqyn qyz edı, öte jaqsy oqydy. Bızdıŋ mektepte qyrküiekten berı oqidy. Balanyŋ tuu turaly kuälıgıne qaraǧanda, otbasy Türkıstan oblysynan kelgen. Mūǧalım qyzdyŋ anasyn ǧana körgen, künde mektepke qyzyn äkelıp, alyp ketetın. Qyz otbasynda kikıljıŋ bolǧanyn aityp şaǧymdanbady. Anasy qarapaiym äiel edı, aitarlyqtai eşteŋe baiqalmady", - dedı direktor.Direktordyŋ aituynşa, olar qyzdyŋ äkesı turaly eşteŋe bılmegen. Būǧan deiın Almatyda äiel kışkentai üş balasymen 9-qabattan sekırıp ketkenı habarlanǧan bolatyn. Oqiǧa ornynda äiel men ekı bala qaza tapty. Jedel järdem kölıgınde taǧy bır bala qaitys boldy. Keiın kuägerler oqiǧa qalai bolǧanyn aityp berdı. Aita keteiık, qylmystyq ıs QR Qylmystyq kodeksınıŋ 105-babyna säikes tergelıp jatyr. Tergeu-jedel toby qūrylǧan.
"Adyrna" ūlttyq portaly
Ūqsas jaŋalyqtar
