11 qazan künı Astanada «Otandastar» forumy ötedı, dep habarlaidy «Adyrna» ūlttyq portaly.
Astana aqşamynyŋ mälımetıne säikes, forumǧa tek etnikalyq qazaqtar ǧana emes, Qazaqstanda kındık qany tamǧan azamattar men olardyŋ ūrpaqtaryn qamtyǧan 300-den artyq qonaq şaqyrylǧan. Olardyŋ qatarynda memleket qairatkerlerı, deputattar, şeteldegı qazaqtarmen jiı qarym-qatynas ornatyp, olardyŋ talap-tılekterın bilıkke jetkızuge küş salyp jürgen azamattar, şetelden köşıp kelgen aqyn-jazuşy, ǧalymdar, saiasat, mädeniet, ǧylym, bılım, media, biznes salasynyŋ ökılderı bar.
Atalǧan forumnyŋ maqsaty – şeteldegı qazaq ūiymdarymen yntymaqtastyqty talqylau; elımızdıŋ jaŋa kezeŋdegı memlekettık saiasat pen saiasi-ekonomikalyq reformalarymen, sondai-aq ūlttyq ruhaniiatqa qatysty zamanaui trendtermen tanystyru; şeteldegı qazaqtardy qoldauda Qazaqstannyŋ jürgızıp otyrǧan saiasaty; şeteldegı qazaq jastaryna Qazaqstanda sapaly bılım aluda jäne öz qabıletterın ıske asyruda, sondai-aq elge köşıp keletın qandastarǧa memleket tarapynan qabyldanyp jatqan qoldau şaralary turaly aqparattandyru.
Astanada ötetın būl forumda şet elderdegı qandastarǧa kreativtık industriia, media, mädeniet, käsıpkerlık salalaryndaǧy tyŋ trendter, elımızdıŋ investisiialyq ahualy men sony bastamalary tanystyrylmaq. Şet elderdegı qazaq ūiymdarynyŋ basşylary men otandyq türlı sala ökılderıne bır-bırımen bailanys ornatuyna, täjıribe almasuyna jaǧdai jasalmaq. Sonymen qatar «Otandastar qory» KE AQ jaŋa jobalarynyŋ tūsaukeserı ötıp, «Ūly dala» jobasy aiasynda 11 kıtaptyŋ tūsaukeser räsımın ötkızu şaralary josparlanyp otyr.
Sondai-aq Qazaqstannan bölek, biyl«Otandastar qory» şetelde bırneşe şara ötkızgen. Onyŋ ışınde Germaniianyŋ Kioln qalasynda Europa qazaqtarynyŋ kışı qūryltaiy ötken. Būl qūryltaiǧa Qazaqstannan qolöner şeberlerı, ūlttyq sport ūiymdarynyŋ ökılderı barǧan. Mausym aiynda Reseidıŋ Mäskeu qalasynda Resei qazaq ūiymdary belsendılerınıŋ basqosuy ötse, şılde aiynda Moŋǧoliiada kışı qūryltai bolǧan. Aldaǧy uaqytta Qytaida şyǧarmaşylyq formatta ıs-şaralar ötkızu josparlanuda.
Osy tūsta «Otandastar qory» KE AQ prezidentı Abzal Saparbekūly qor jūmysyn jetıldıru jolynda atqaru kerek jūmystardy atap öttı.
«Elımızdıŋ keibır zaŋdarynda şeteldegı qazaqtardy qoldau boiynşa bırqatar baptar, tarmaqtar engızılgen. Bıraq şeteldegı qazaqtarmen bolǧan bailanysty bırızdendıru üşın şeteldegı qazaq diasporalaryna qatysty arnauly zaŋ nemese qūjat qabyldau kerek. Būl mäsele de memlekettıŋ nazarynda, aldaǧy uaqytta şeşımın tapsa, bızdıŋ şetel qazaqtarymen jūmys jasauymyzǧa asa tiımdı bolar edı. Osydan būryn Ükımettıŋ etnikalyq qazaqtardy qoldauǧa bailanysty ıs-şaralar jospary qabyldanǧan bolatyn, onyŋ 2022 jyly merzımı bıttı. Qazırgı taŋda jaŋa ıs-şaralar jospary qarastyrylu üstınde, biyl jyl soŋyna deiın qabyldanady degen oidamyz», - deidı qor prezidentı.
«Adyrna» ūlttyq portaly
Ūqsas jaŋalyqtar
