Pavlodarda orman maŋynan üi-küiı joq otbasy tabyldy, dep habarlaidy "Adyrna" ūlttyq portaly Stan.kz-ke sıltep.
Jergılıktı tūrǧyndar Pavlodar oblysy Kemeŋger auylynda jerde ūiyqtap jatqan 6 bala men ata-anasyn baiqap, jai-küiın beinege tüsırıp alǧan.
Kadrda äieldıŋ otbasy Pavlodarda üi jaldap tūrǧanyn, üi iesı ony satyp jıbergenın jäne olar Krasnoarmeika, qazırgı Kemeŋger auylyna kelgenın aitqan. Mūnda olar atalmyş auyldan bırneşe şaqyrym jerde tūraqtaǧanyn baiqaǧan.
Otbasy orman ışınde jürgenın aitady.
"Şynymdy aitaiyn, bärı menıŋ balalarym. Bız olarmen älı seruendeuımız kerek. Bız qazır tūryp, ary qarai jüremız. Bızdı eşkım estımesın dep ädeiı ketıp jatyrmyz", – dep tüsındırdı äkesı. Ata-ana balalarynyŋ bıreuınıŋ autizmmen auyratynyn aitady.Beinejazbany tüsırgen er adam balalardyŋ bırınıŋ betıne nelıkten qan ketkenın sūraǧanda äiel abdyrap, anyq jauap bere almaǧan.
"Bız seruendep jürdık, sosyn balalar ūiyqtap qaldy. Kün ysyp ketkendıkten betın küidırıp aldy. Bız endı jolǧa şyǧyp, Krasnoarmeikaǧa oralamyz. Balam buterbrod jegısı kelgendıkten aialdaudy jön kördık", – dedı äiel.Orman jaǧalaǧan otbasynda balalardyŋ eŋ kışısı 1 jasta, ülkenı 8 jasta. Qazır anasy men balalary auruhanaǧa jetkızıldı.
"2016-2023 jyldary tuylǧan alty balany tärbielep otyrǧan şeteldık azamattardyŋ otbasy anyqtaldy. Balalar memlekettık organdarda tırkelmegen: olardyŋ tuu turaly kuälıgı joq, densaulyq saqtau jäne bılım beru mekemelerıne bekıtılmegen", – dedı Pavlodar oblysy ışkı ıster departamentı köşı-qon qyzmetı.Poliseidıŋ aituynşa, balalar men olardyŋ anasy Pavlodar oblysy balalar auruhanasyna jatqyzylǧan.
"Qazır bız balalarǧa tuu turaly kuälık pen JSN aluǧa, sondai-aq elımızde uaqytşa tūruǧa rūqsat aluǧa kömektesemız", – dedı ışkı ıster departamentı köşı-qon qyzmetınıŋ basşysy.
Ūqsas jaŋalyqtar
