Atyrau qalasynda mas küide otbasynyŋ şyrqyn būzyp, öz üiın örtep jıbermek bolǧan er adam ızdestırılıp jatyr. Ol äielı men 4 jasar balasynyŋ berekesın alǧan. Üidıŋ esıgın būzyp kırıp, ūşy üşkır zatpen äielın qorqytqan, kışkentai balasynyŋ üreiın ūşyrǧan. Qazır er adamnyŋ otbasy "Analar üiıne" ornalastyryldy, dep habarlaidy "Adyrna" ūlttyq portaly.
Polisia.kz arnasynyŋ habarlauynşa, 22 jeltoqsan künı uaqyt 21:12 şamasynda "102" arnasyna 1992 jyly tuǧan azamatşa habarlasyp, joldasy mas küiınde üidıŋ esıgın būzyp kırıp, üşkır zatpen qorqytyp jatqany jönınde habarlama bergen. Atalǧan meken-jaiǧa jetken Batys-58 ekipajy üidıŋ ışınen tütın şyǧyp jatqanyn baiqap, jedel türde äreket etumen 1992 j.t. azamatşa men onyŋ 4 jastaǧy balasyn qauıpsız jerge şyǧaryp, örttı auyzdyqtady.
Al mas küide kelıp, äielın qorqytyp, üidı örtke oraǧan er azamat janjal üstınde polisiia qyzmetkerlerı kelgenşe oqiǧa ornynan qaşyp ketken. Atalǧan faktı boiynşa polisiia qyzmetkerlerı 1992 jyly tuǧan azamatşa men onyŋ 4 jastaǧy qyzyn "Analar üiıne" ornalastyrdy.
Qazır şaŋyraǧynyŋ şyrqyn būzǧan er azamatqa qatysty jedel-ızdestıru jūmystaryn jürgızılıp jatyr.
"Adyrna" ūlttyq portaly
Ūqsas jaŋalyqtar
