Dúısenbi kúni "Astana" ýnıversıtetiniń bir top stýdenti jınalyp, "oqý orny oqý proesin durys uıymdastyrmaı otyr" dep shaǵymdandy. Stýdentterdiń aıtýynsha, jańa oqý jyly bastalǵaly beri sabaq bolmaǵan, muǵalimder de kelmegen dep habarlaıdy «Adyrna» ulttyq portaly «Azattyq» radıosyna silteme jasap.
- Muǵalim joq, oqý qashan bastalatynyn bilmeımiz, ýnıversıtettiń telefondaryna eshkim jaýap bermeıdi. Biraq keıbir stýdentterge habarlasyp, "oqý aqysyn tóleńder" dep jatyr. Ýnıversıtet jumys isteı ma, joq pa, oqý qashan bastalady, bilmeımiz. Bul týraly eshqandaı aqparat joq. Osyny bilmeı qarjyny qalaı beremiz?! - deıdi bıyl tórtinshi kýrsqa ótken stýdent Zarına Ahmetova.
Stýdentter bıyl aqpan aıynan bastap "ýnıversıtettiń lıenzııasynan aırylatyny, oqý orny jabylatyny" týraly sybys estigen, biraq sońǵy semestrdi oıdaǵydaı aıaqtaǵan. Ýnıversıtettiń resmı saıtynda 11-13 tamyz aralyǵynda oqý ornynyń akkredıtaııadan ótetini týraly jazylǵan, biraq onyń nátıjesi týraly aqparat joq.
7 qyrkúıek kúni aqparat quraldary oqý orny ǵımaratyna kelgen kezde ýnıversıtettiń bas korpýsy jabyq bolyp turdy. Ózin ýnıversıtettiń ókilimin dep tanystyrǵan Almas Halelov esimdi qyzmetker "sabaq 10 qyrkúıek bastalady" dep habarlady.
- Ýnıversıtet 11-13 tamyz aralyǵynda akkredıtaııadan ótti, 28 tamyzdan bastap túlekter dıplomdaryn alyp jatyr. Oqý 10 qyrkúıekte bastalady. Qazir pandemııaǵa baılanysty kóptegen oqytýshylar aýyryp qaldy, bireýi qaıtys boldy. Qazir oqytýshylar aıyǵyp jatyr, oqý proesi tolyq qalpyna keledi, - dedi Almas Halelov stýdentter men aqparat quraldaryna.
Dál osy kúni bilim jáne ǵylym mınıstrliginiń máseleni zertteý úshin jumys toby qurǵany belgili boldy.
- Qazir tekserýdi bastaýǵa ýnıversıtetke kelip otyrmyz. Biraq ne basshysy, ne basqa mamandary da joq. Kadr bólimi olardyń qaıda ekenin bilmeımiz dedi. Bul jerde bitirgen stýdentterdiń arasynda dıplomdaryn ala-almaı qalǵandary da bar. Munyń barlyǵy ótirik bolsa, basshysy aldymyzǵa shyǵyp, túsindirýi kerek edi. Eger bul kemshilik rastalsa, ýnıversıtettiń lıenzııasyn ýaqytsha toqtatýymyz múmkin, – dedi 7 qyrkúıekte mınıstrlik ókili Ǵalymjan Jumashev.
Byltyr tamyz aıynda bilim jáne ǵylym mınıstrligi oqý ornynyń birqatar talaptardy oryndamaı otyrǵanyn (ýnıversıtetke qabyldaý, aýystyrý, stýdentterdi oqýǵa qaıta alý, emtıhan ótkizý erejelerin t.b.) alǵa tartyp, ýnıversıtettiń lıenzııasy ýaqytsha toqtaǵanyn, 1 qyrkúıekke deıin kemshilikterdi toltyrýǵa ýaqyt bergenin habarlaǵan edi.
"Astana" ýnıversıtetinde shamamen 3 myńnan astam stýdent oqıdy.
Qazaqstanda pandemııaǵa baılanysty joǵary oqý oryn stýdentteri qashyqtan oqyp jatyr. Tek zerthana, ónerkásipte tájirıbe jasaıtyn keıbir mamandyqtar men baǵyttar boıynsha oqıtyn stýdentter úshin erekshelikter bolýy múmkin.
