Talǧat Närıkbaev: Äkımder jol jöndeuge emes, bılımge basymdyq beruı kerek

"Balalar tūratyn jerıne jäne oqytu tılıne qaramastan sapaly bılım aluy tiıs... Öitkenı olar - memleketımızdıŋ bolaşaǧy. Äkımderdıŋ jūmysyn osy kriterii boiynşa baǧalaityn bolamyz". Prezident Qasym-Jomart Toqaevtyŋ Qazaqstan halqyna Joldauynan. QR Bılım jäne ǧylym ministrlıgınıŋ sybailas jemqorlyqqa qarsy ıs-qimyl jönındegı «ADAL BILIM» jobalyq keŋsesınıŋ basşysy, M.S. Närıkbaev atyndaǧy KAZGUU Universitetınıŋ basqarma töraǧasy Talǧat Närıkbaev universitetterdı oblys äkımdıkterınıŋ qaramaǧyna beru kerek dep sanaidy. Onyŋ aituynşa, aimaqtardaǧy joǧary oqu oryndarynyŋ jūmysyn qaita qarau qajet. Būl turaly ol «ADAL BILIM» paraqşasynyŋ tıkelei efirınde habarlady. "Ministr öŋırlık JOO rektorlaryn tıkelei baqylai almaidy. Olar da bılım basqarmasynyŋ basşylary siiaqty äkımderdıŋ yqpalynda. Al memlekettık universitetter negızınen aimaqtarda ornalasqan. Qazırgı uaqytta būl universitetter Bılım ministrlıgıne qaraidy. Rektorlardy taǧaiyndaityn da, tolyǧymen baqylaityn da Ministr. Eger ministrlıktıŋ qaramaǧynan oblys äkımderı men jergılıktı atqaruşy organdardyŋ qaramaǧyna berılse jaǧdai jaqsy jaǧyna özgeredı. Mäselen Germaniiada  oqu oryndary ornalasqan jerıne, iaǧni oblysyna bekıtılgen. Osylaişa, joǧary oqu orny üşın jauapkerşılık ministrge emes, äkımge jükteledı", - dedı tıkelei efirde basqarma töraǧasy. Talǧat Närıkbaev  mäselenıŋ şeşımı retınde äkımderge öz öŋırındegı eŋbek naryǧynyŋ qajettılıgıne taldau jürgızudı jäne keiınnen alynǧan derekterge säikes öz mamandaryn oqytudy ūsynady. «Qazaqstannyŋ barlyq mektepterı üşın Bılım ministrlıgı qalai jauap beredı? Tıptı osy maqsattarǧa biudjetten orasan zor qarajat bölıngennıŋ özınde mektep oqulyqtarynyŋ bar-joǧyna monitoring jürgızu – tym kürdelı mındet. Menıŋ oiymşa, öŋırdegı bılım sapasyna oblys äkımı jauap bergen kezde ǧana naqty nätijege qol jetkızemız. Jol jöndegennen görı äkımderdıŋ basty mındetı  bılım beru sapasyn jaqsartu bolu kerek. Äkımnıŋ bılım baǧytyndaǧy qyzmetı mektepterdıŋ qūrylysymen ǧana şektelmeuge tiıs, ol basqa oblystarmen bäsekelestık üşın, bılım beru mekemelerınıŋ materialdyq-tehnikalyq bazasyn jaqsartyp, oqytu sapasyn arttyryp,  sondai-aq mūǧalımderınıŋ jalaqysyn köterıp, barynşa jaǧdai jasauǧa baǧyttaluy tiıs», - dep jalǧastyrdy. Aita ketsek, elımızde 7 myŋnan astam mektep jäne 10 myŋnan astam mektepke deiıngı ūiym qyzmet etedı. Jaŋa oqu jylynda 3,3 mln oquşy tırkelıp otyr.