Onlaın oqý saýdaǵa da keri áserin tıgizýde

2259
Adyrna.kz Telegram

Elimizdegi shekteý sharalary kásipkerlerdi tabysynan aıyryp, saýdasyna keri áserin tıgizýde.

Jylda 1 qyrkúıek alǵashqy qońyraý kúni gúl satýshylardyń saýdasy qyza túsetin. Bıylǵy jyly qońyraý soǵylmaı gúl satylymyádettegideı tabys ákelmedi. Oqý jylynyń alǵashqy kúnderi gúl baǵasynyń sharyqtap ketetindigi bárimizge málim. Biraq, gúl satýshylary osy jyly elimizdegi shekteýlerge baılanysty gúldiń baǵasyn asa qymbattatpaǵanymen, gúl izdep kelgen ata-ana men oqýshylardyń tóbesi kórinbedi.

Jańa oqý jyly bastalarda bazarlar men saýda-ortalyqtarynda ıne shanshyr jer bolmaıtyn. Sabaqtar onlaın rejıminde ótiletindikten oqýshylar talapqa saı mektep formasyn izdep bastaryn aýyrtpady. Jańa oqý jylynyń mektep formasyn talap etpeıtindigi, saýdagerlerdiń saýdasyn toqtatty.

Keńse taýarlaryna da suranys burynǵydaı emes. Muǵalim dápterdi qolyna ustap teksermegendikten keı ata-analar balalaryna jańa dápter alyp bermeı, eski dápterlerine jazǵyzyp, aqsha únemdeýdiń jolyn taýyp otyr eken. Eski qalamymyzben dápterdiń aldy-artyn aınaldyryp jaza beremiz degen oqýshylar men stýdentter jańa oqý jylynda jańa dápter men keńse taýarlaryna asa muqtaj emestigin aıtty.

Tosyn syıǵa toly bolyp bastalǵan jańa oqý jyly kásipkerler tabysynan qaǵylyp, saýdalary toqtap japa shegip jatyr. Sabaq ýaqyty bitkende oqýshylar tátti alý úshin dúkenge bas suǵyp, dúkenniń de saýdasyn qyzdyrta túsetin. Al qazir elimizdegi shekteý sharalary saýdanyń sıqyn ketirip tur. Satýshylar men kásipkerler bári ońalyp, saýdalary qaıta júretin kezdi asyǵa kútýde.

 

Laýra Tursynjan,

“Adyrna” ulttyq portaly

Pikirler