Taldyqorǵan qalasyndaǵy Nazarbaev Zııatkerlik mektebiniń oqýshylary World Robot Olympiad – 2024 Túrkııada ótken robototehnıka álem chempıonatynda úshinshi oryn men arnaıy nomınaııaǵa ıe boldy.
Álemniń 90 elinen 3500 jas ınjener qatysqan dodada Qazaqstan namysyn qorǵaǵan komandalar eki sanat boıynsha júldeger atandy.
Bedeldi baıqaýǵa elimizdiń atynan 13 qatysty. Olardyń barlyǵy qazaqstandyq jáne halyqaralyq robototehnıka jarystarynyń jeńimpazdary men júldegerleri.
Taldyqorǵandyq NIS mektebiniń 11-12 synyp oqýshylary Ińkár Qurmanbaeva men Aıym Baýyrjanqyzy «Future Innovators Senior» nomınaııasynda óner kórsetti. Olar ormandy qalpyna keltirýge arnalǵan avtonomdy robot jasady. Bir ıklde robot 60 kóshet otyrǵyza alady, ol shynjyr tabandy shassıdiń arqasynda kez kelgen topyraqta jumys atqaryp, qıyn jerlerde júre alady.
Bul joba - tolyq ólshemdi, daıyn robot, ony dál qazir praktıka júzinde orman otyrǵyzý qajet jerlerde qoldanýǵa bolady. Robotty basqarý jasandy ıntellekt negizinde avtonomdy túrde júzege asyrylady, — deıdi Ińkár men Aıym.
Snymen qatar bul joba tek aǵash otyrǵyzyp qana qoımaı, ormannyń qalaı ósetini týraly boljam jasaıdy ári tabıǵatty qoqystardan tazartady. Eger qoqys tabylsa, robot avtomatty túrde manıpýlıatordyń kómegimen qoqysty jınaıdy.
10 - synyp oqýshylary Serjan Qadylbek, Aqnıet Moldakerimov Future Innovators Junior sanatynda joǵary pılotajdy kórsetti. Olar arnaıy «Technical solution award» nomınaııasyna ıe boldy.
Zııatkerler qutqarý robot qaıyǵyn jasady. Joba katamaran qaıyǵynyń prototıpi bolyp tabylady, ol jasandy ıntellekt arqyly qıyndyqta qalǵan adamdardy avtomatty túrde taba alady jáne jyljymaly baspaldaqtar arqyly adamdardy sýdan nemese shatyrdan shyǵaryp qutqara alady. Qaıyqtyń bortynda alǵashqy kómek quraldary bar.
Osy kóktemde Qazaqstan buryn-sońdy bolmaǵan sý tasqynyna tap boldy, kóptegen eldi mekender tolyǵymen sý astynda qaldy. Robot sý basqan eldi mekenderdi avtonomdy túrde kúzetip, adamdardy qutqara alady, — dep qorytyndylady joba avtorlary.
Túrkııada ótken robototehnıkadan álem chempıonaty World Robot Olympiad – 2024 jarysynyń qorytyndysy boıynsha jeńimpazdar Izmır saparynyń shynymen de tarıhı bolǵanyn atap ótti.
Qazaq oqýshylary óz mektepteriniń zerthanalarynda kóp ýaqytyn ótkizip, robottaryn qurastyrýǵa aılar boıy eńbek etti. Jas ónertapqyshtar robot bólshekterin ózderi modeldep, keıin mektep sheberhanalarynda jabdyqtalǵan 3D prınter men lazerlik mashınalarda jobalaryn júzege asyrdy.
Robototehnıkanyń arqasynda biz álemdi tanýǵa, saıahattaýǵa jáne basqa elderdiń ozyq oqýshylarymen kezdesýge múmkindik aldyq. Bul sapar óz qabiletimizge senimdilik berdi – biz álemniń eń myqty komandalarymen el namysy úshin kúrestik. Bul biz úshin qyzyqty ári mártebeli boldy. Sondaı-aq bapkerlerimizge shydamdylyq tanytyp, bolashaǵymyzǵa qosqan úlesteri úshin alǵys aıtamyz, - dep óz pikirin Serjan Qadylbek bildirdi.
Aıta ketsek, «Nazarbaev Zııatkerlik mektepteri» DBBU – 2014 jyldan beri World Robot Olympiad halyqaralyq robototehnıka olımpıadasynyń Qazaqstandaǵy Ulttyq uıymdastyrýshysy. 10 jyl ishinde NIS elimizdegi robototehnıka salasynyń damýyna jáne otandyq komandalardyń halyqaralyq deńgeıdegi jetistikterine aıtarlyqtaı úles qosty.
