Jeke kýálikti aýystyrý merzimin ótkizip almańyz
Jeke basty kýálandyratyn qujattar – jeke kýálik pen tólqujat 10 jylǵa beriletindikten, adamdar kóbine onyń merzimine qaraýdy umytyp ketedi. Tipti merzimi ótip ketken qujatpen júre beretin, keıin «áttegen-aı» dep san soǵyp qalatyn jaǵdaılar da joq emes. Jáne mundaı beıqamdyqqa ákimshilik aıyppul salynýy múmkin.
Aıta ketý kerek, epıdemıologııalyq jaǵdaıǵa baılanysty elimizdegi halyqqa qyzmet kórsetý ortalyqtaryna barý úshin kezekti aldyn ala brondaý tártibi engizildi. Sondyqtan qujat merzimin tekserip, ýaqyty taıasa, ony aýystyrý úshin aldyn ala qamdanyp, kezekti brondap qoıǵan jón. Memlekettik qyzmetterdiń deni elektrondyq portal arqyly usynylsa da, tek qaǵaz júzinde beriletin qyzmetterge de suranys joǵary, sondyqtan HQO-ǵa kezekti brondaý qarqyny da úlken. Bul turǵyda eske salaıyq, HQO-ǵa kezekti brondaý qyzmeti tegin jáne resmı túrde egov.kz portaly, telegram-bot EgovKzBot2.0 qosymshasy jáne 1414 baılanys ortalyǵy arqyly usynylady.
Jeke basty kýálandyratyn qujatty merzimi ótýine, aty-jónin ózgertýine, qujattyń zaqymdalýy men joǵalýyna baılanysty qaıta alý úshin Qazaqstannyń kez-kelgen halyqqa qyzmet kórsetý ortalyǵyna júginýge bolady, bul oraıda azamattyń qaı jerde turatyny jáne qaı meken-jaıda tirkelgeni mańyzdy emes. Al jeke kýálikti alǵashqy ret alatyn azamattar, ıaǵnı 16 jasqa jańa tolyp jatqan tulǵalar tirkelgen turǵylyqty jeri boıynsha HQO-ǵa barýy tıis.
Bıylǵy jyl basynan beri 161 727 almatylyq qujattaryn rásimdepti. Onyń ishinde jeke kýálikter de, tólqujattar da bar.
«Azamattarǵa arnalǵan úkimet» memlekettik korporaııasy jeke kýálikter men tólqujattardyń merzimin jıi tekserip, ýaqyty taıasa, ony aýystyrý úshin HQO-ǵa kezekti aldyn ala brondap qoıý kerektigin eskertedi.
«Azamattarǵa arnalǵan úkimet» MK
Almaty qalasy fılıaly,
Tel.: 87073240176
