جەكە كۋالىكتى اۋىستىرۋ مەرزىمىن وتكىزىپ الماڭىز
جەكە باستى كۋالاندىراتىن قۇجاتتار – جەكە كۋالىك پەن تولقۇجات 10 جىلعا بەرىلەتىندىكتەن، ادامدار كوبىنە ونىڭ مەرزىمىنە قاراۋدى ۇمىتىپ كەتەدى. ءتىپتى مەرزىمى ءوتىپ كەتكەن قۇجاتپەن جۇرە بەرەتىن، كەيىن «اتتەگەن-اي» دەپ سان سوعىپ قالاتىن جاعدايلار دا جوق ەمەس. جانە مۇنداي بەيقامدىققا اكىمشىلىك ايىپپۇل سالىنۋى مۇمكىن.
ايتا كەتۋ كەرەك، ەپيدەميولوگيالىق جاعدايعا بايلانىستى ەلىمىزدەگى حالىققا قىزمەت كورسەتۋ ورتالىقتارىنا بارۋ ءۇشىن كەزەكتى الدىن الا برونداۋ ءتارتىبى ەنگىزىلدى. سوندىقتان قۇجات مەرزىمىن تەكسەرىپ، ۋاقىتى تاياسا، ونى اۋىستىرۋ ءۇشىن الدىن الا قامدانىپ، كەزەكتى برونداپ قويعان ءجون. مەملەكەتتىك قىزمەتتەردىڭ دەنى ەلەكتروندىق پورتال ارقىلى ۇسىنىلسا دا، تەك قاعاز جۇزىندە بەرىلەتىن قىزمەتتەرگە دە سۇرانىس جوعارى، سوندىقتان حقو-عا كەزەكتى برونداۋ قارقىنى دا ۇلكەن. بۇل تۇرعىدا ەسكە سالايىق، حقو-عا كەزەكتى برونداۋ قىزمەتى تەگىن جانە رەسمي تۇردە egov.kz پورتالى، تەلەگرام-بوت EgovKzBot2.0 قوسىمشاسى جانە 1414 بايلانىس ورتالىعى ارقىلى ۇسىنىلادى.
جەكە باستى كۋالاندىراتىن قۇجاتتى مەرزىمى وتۋىنە، اتى-ءجونىن وزگەرتۋىنە، قۇجاتتىڭ زاقىمدالۋى مەن جوعالۋىنا بايلانىستى قايتا الۋ ءۇشىن قازاقستاننىڭ كەز-كەلگەن حالىققا قىزمەت كورسەتۋ ورتالىعىنا جۇگىنۋگە بولادى، بۇل ورايدا ازاماتتىڭ قاي جەردە تۇراتىنى جانە قاي مەكەن-جايدا تىركەلگەنى ماڭىزدى ەمەس. ال جەكە كۋالىكتى العاشقى رەت الاتىن ازاماتتار، ياعني 16 جاسقا جاڭا تولىپ جاتقان تۇلعالار تىركەلگەن تۇرعىلىقتى جەرى بويىنشا حقو-عا بارۋى ءتيىس.
بيىلعى جىل باسىنان بەرى 161 727 الماتىلىق قۇجاتتارىن راسىمدەپتى. ونىڭ ىشىندە جەكە كۋالىكتەر دە، تولقۇجاتتار دا بار.
«ازاماتتارعا ارنالعان ۇكىمەت» مەملەكەتتىك كورپوراتسياسى جەكە كۋالىكتەر مەن تولقۇجاتتاردىڭ مەرزىمىن ءجيى تەكسەرىپ، ۋاقىتى تاياسا، ونى اۋىستىرۋ ءۇشىن حقو-عا كەزەكتى الدىن الا برونداپ قويۋ كەرەكتىگىن ەسكەرتەدى.
«ازاماتتارعا ارنالعان ۇكىمەت» مك
الماتى قالاسى فيليالى،
تەل.: 87073240176
