Esepsiz aqshanyń esebin suramaǵandar Mamaıǵa nege jabylady?

1260

Keshe «Demokratııalyq partııa» qurǵysy keletin saıasattanýshy  Janbolat Mamaı prezıdent ákimshiligine 100 myń adamnyń aryzyn tapsyrdy. Hatta halyqtyń nesıesin keshirýdi suraǵan.

Janbolat Mamaı kótergen nesıe amnıstııasyn qoldaýshylar da, qarsy shyǵýshylar da tabylyp jatyr. Tipti keıbir kisiler onyń sózin popýlızm dep atap, «meniń salyǵymnyń arqasynda nege bireýdiń nesıesi keshirilýi kerek» degendi aıtýda.

Memleket qarjysynyń durys jumsalýyn qadaǵalaǵan jaqsy-aq.

Alaıda, biz EKSPO-2017 kórmesine 565 mıllıard teńge, Azııa oıyndaryna 235 mıllıard teńge, Ýnıversıada ótkizýge 53 mıllıon evro jumsaǵan elmiz.

Álemdik jáne dástúrli dinder sezin, kereksiz ekonomıkalyq forýmdar men halyqarylyq basqosýlar ótkizip júrgende suralmaǵan salyq aqshasy nege halyqtyń, qandasyńnyń  nesıesine kelgende suraldy?

Bul az deseńiz, 2008-2016 jyldary bankterdi saýyqtyrýǵa bólingen 476 mıllıard teńgeniń 415 mıllıardy ǵana bıýdjetke keri qaıtarylǵan. Al 2017 jyly bankterdi saýyqtyrýǵa bólingen aqsha – 653,7 mlrd teńge.

Munyń syrtynda qanshama sheneýnik elimizden jyraqqa esebi joq aqsha áketti. Mamaıdyń aıtýynsha, halyqtyń nesıesin keshirýge shamamen 10 mıllıard dollar kerek eken. Teńgemen – 4 trıllıon.

Tótenshe jaǵdaıda eseńgirep qalǵan eldiń nesıesin keshirý-keshirmeýdi Aqorda sheshe jatar. Bizdiń aıtpaǵymyz basqa, «Meniń esebimnen nesıe jabylmasyn» dep júrgenderge joǵarydaǵy esten tanatyn mıllıardtardy kórsetý.

Janbolat Saryqasqa

 

Pikirler
Redakııa tańdaýy