Soŋǧy bır jylda bızdıŋ bilık sabaq alatyn talai oqiǧa boldy. Bız älı künge deiın sonyŋ zardabyn tartyp kelemız. Bıraq eşqaşan sabaq alǧan emespız. Bız emes, bilık sabaq alǧan joq.
Eger künı bügınge deiıngı ömır sürıp kelgen bilık jüiesı osy qalyppen ary qarai kete beretın bolsa, aldaǧy uaqytta jaǧdai tıptı kürdelene tüsedı.
Al Qordai qaqtyǧysynan keiın jaǧdai qalypqa tüstı me? Joq. Keşe Şornaqta taǧy şu şyqty. San ūlttyŋ basyn qosyp, biık mınbelerden daiyn bıreulerdı söiletıp otyrǧan Assambleia men qoǧamdyq kelısım ministrlıgı qaida qarap otyr? Jasandy ūiym qyruar qarjy bölınıp, özge enostarǧa jarasym berıp otyrǧan şyǧar. Bıraq bızdıŋ aitaramyz: Qazaqstan deitın täuelsız memlekette «qazaq mäselesı» şeşılmei, jaǧdai eşqaşan dūrystalmaidy!
Al «qazaq mäselesınıŋ» astarynda ne jatyr?
-Ana tılınıŋ, qazaq tılınıŋ 30 jyldan berı şeşılmegen tüiını jatyr;
-Jyldar boiy boiy jinalyp qalǧan problemalar tūr;
-Eldıŋ basym bölıgın qūraityn qazaq halqy kedeilıktıŋ qamytyn kiıp otyr;
-Otandyq öndırıs älı oidaǧydai damyǧan joq. Bärı şetelden tasymaldanady, älı de importqa täueldı elmız;
-Teŋge qūnsyz, baǧa baqylausyz, jyl saiyn ösıp barady;
-Qarapaiym halyq pen biudjettık mekemelerde jūmys ısteitın azamattardyŋ jalaqysy jartymsyz. Ailyǧy şailyǧyna jetpeidı;
-«Aldymen –ekonomika, sosyn saiasat» tūjyrymy populistık bos äŋgıme ekendıgın bügıngı uaqyt körsetıp berdı;
-Qoǧamdy jailaǧan jemqorlyq jüie halyqty äbden şarşatty;
-«Bärı baqylauda» deitın bilıktıŋ äreketınen el äbden mezı boldy. El bügın bilıkke senbeidı;
-Memlekettıŋ mūnaiyn satyp baiyǧan bilık basyndaǧylar halqyna jaǧdai jasai alǧan joq. Bıraq özderı baiyp aldy;
-Qazaqstannyŋ mūnşama tabiǧi bailyǧymen 30 jyldyŋ ışınde qazaqtyŋ tabysyn molaityp, däuletın arttyruǧa bolar edı;
-Joǧaryǧa jalǧan aqparat beru arqyly «tabysty keremet etıp, eselep körsetu» bızdıŋ keşegı bilıktı jarǧa jyqty. Al bügın ozyq 30 memleket tügılı, damyǧan 50 eldıŋ qataryna da ene almai qaldyq;
-Bilık pen halyqtyŋ arasy barǧan saiyn alşaqtai tüstı;
-Qazaqstan kez kelgen tosyn jaǧdaiǧa daiyn bolmai şyqty. Indet ırgemızdı aşty, äleuetımız älsız, densaulyǧymyz därmensız bolyp şyqty. Ajalmen betpe bet qaldyq;
- «Sifrly Qazaqstan» siqymyzdy körsettı;
Mūndai pıkır men tūjyrymdy odan ary däiektı türde jalǧastyra beruge bolady. Bıraq aqiqaty...
Memlekettıŋ saiasat pen ūlttyq ideologiia eldıŋ 70 paiyzyn qūraityn qazaq degen ūlt arqyly arqyly jürgızıletının bilık özderı ūqtyryp, özge etnostarǧa ünemı aşyq aityp otyruy tiıs. Al bızde älı künge deiın «orystar renjidı, basqa etnostardan ūiat bolady» degen jaltaq közqaras bar.
Al jaltaqtyq ūltty öltıredı. Dūrysy...
Qordalanyp qalǧan «qazaq mäselesı» şeşılmei, eldegı jaǧdai eşqaşan dūrystalmaidy! Aşynǧan halyq ne ısteidı? Köşege şyǧady, kölıktı örteidı.
...Toqaev bilıgı mūny tüsıne bastaǧan tärızdı.
Erkın Qaldan,
«Adyrna» ūlttyq portaly
Ūqsas jaŋalyqtar
