سوڭعى ءبىر جىلدا ءبىزدىڭ بيلىك ساباق الاتىن تالاي وقيعا بولدى. ءبىز ءالى كۇنگە دەيىن سونىڭ زاردابىن تارتىپ كەلەمىز. بىراق ەشقاشان ساباق العان ەمەسپىز. بىز ەمەس، بيلىك ساباق العان جوق.
ەگەر كۇنى بۇگىنگە دەيىنگى ءومىر ءسۇرىپ كەلگەن بيلىك جۇيەسى وسى قالىپپەن ارى قاراي كەتە بەرەتىن بولسا، الداعى ۋاقىتتا جاعداي ءتىپتى كۇردەلەنە تۇسەدى.
ال قورداي قاقتىعىسىنان كەيىن جاعداي قالىپقا ءتۇستى مە؟ جوق. كەشە شورناقتا تاعى شۋ شىقتى. سان ۇلتتىڭ باسىن قوسىپ، بيىك مىنبەلەردەن دايىن بىرەۋلەردى سويلەتىپ وتىرعان اسسامبلەيا مەن قوعامدىق كەلىسىم مينيسترلىگى قايدا قاراپ وتىر؟ جاساندى ۇيىم قىرۋار قارجى ءبولىنىپ، وزگە ەنوستارعا جاراسىم بەرىپ وتىرعان شىعار. بىراق ءبىزدىڭ ايتارامىز: قازاقستان دەيتىن تاۋەلسىز مەملەكەتتە «قازاق ماسەلەسى» شەشىلمەي، جاعداي ەشقاشان دۇرىستالمايدى!
ال «قازاق ماسەلەسىنىڭ» استارىندا نە جاتىر؟
-انا ءتىلىنىڭ، قازاق ءتىلىنىڭ 30 جىلدان بەرى شەشىلمەگەن ءتۇيىنى جاتىر;
-جىلدار بويى بويى جينالىپ قالعان پروبلەمالار تۇر;
-ەلدىڭ باسىم بولىگىن قۇرايتىن قازاق حالقى كەدەيلىكتىڭ قامىتىن كيىپ وتىر;
-وتاندىق ءوندىرىس ءالى ويداعىداي دامىعان جوق. ءبارى شەتەلدەن تاسىمالدانادى، ءالى دە يمپورتقا تاۋەلدى ەلمىز;
-تەڭگە قۇنسىز، باعا باقىلاۋسىز، جىل سايىن ءوسىپ بارادى;
-قاراپايىم حالىق پەن بيۋدجەتتىك مەكەمەلەردە جۇمىس ىستەيتىن ازاماتتاردىڭ جالاقىسى جارتىمسىز. ايلىعى شايلىعىنا جەتپەيدى;
-«الدىمەن –ەكونوميكا، سوسىن ساياسات» تۇجىرىمى پوپۋليستىك بوس اڭگىمە ەكەندىگىن بۇگىنگى ۋاقىت كورسەتىپ بەردى;
-قوعامدى جايلاعان جەمقورلىق جۇيە حالىقتى ابدەن شارشاتتى;
-«ءبارى باقىلاۋدا» دەيتىن بيلىكتىڭ ارەكەتىنەن ەل ابدەن مەزى بولدى. ەل بۇگىن بيلىككە سەنبەيدى;
-مەملەكەتتىڭ مۇنايىن ساتىپ بايىعان بيلىك باسىنداعىلار حالقىنا جاعداي جاساي العان جوق. بىراق وزدەرى بايىپ الدى;
-قازاقستاننىڭ مۇنشاما تابيعي بايلىعىمەن 30 جىلدىڭ ىشىندە قازاقتىڭ تابىسىن مولايتىپ، داۋلەتىن ارتتىرۋعا بولار ەدى;
-جوعارىعا جالعان اقپارات بەرۋ ارقىلى «تابىستى كەرەمەت ەتىپ، ەسەلەپ كورسەتۋ» ءبىزدىڭ كەشەگى بيلىكتى جارعا جىقتى. ال بۇگىن وزىق 30 مەملەكەت تۇگىلى، دامىعان 50 ەلدىڭ قاتارىنا دا ەنە الماي قالدىق;
-بيلىك پەن حالىقتىڭ اراسى بارعان سايىن الشاقتاي ءتۇستى;
-قازاقستان كەز كەلگەن توسىن جاعدايعا دايىن بولماي شىقتى. ىندەت ىرگەمىزدى اشتى، الەۋەتىمىز ءالسىز، دەنساۋلىعىمىز دارمەنسىز بولىپ شىقتى. اجالمەن بەتپە بەت قالدىق;
- «تسيفرلى قازاقستان» سيقىمىزدى كورسەتتى;
مۇنداي پىكىر مەن تۇجىرىمدى ودان ارى دايەكتى تۇردە جالعاستىرا بەرۋگە بولادى. بىراق اقيقاتى...
مەملەكەتتىڭ ساياسات پەن ۇلتتىق يدەولوگيا ەلدىڭ 70 پايىزىن قۇرايتىن قازاق دەگەن ۇلت ارقىلى ارقىلى جۇرگىزىلەتىنىن بيلىك وزدەرى ۇقتىرىپ، وزگە ەتنوستارعا ۇنەمى اشىق ايتىپ وتىرۋى ءتيىس. ال بىزدە ءالى كۇنگە دەيىن «ورىستار رەنجيدى، باسقا ەتنوستاردان ۇيات بولادى» دەگەن جالتاق كوزقاراس بار.
ال جالتاقتىق ۇلتتى ولتىرەدى. دۇرىسى...
قوردالانىپ قالعان «قازاق ماسەلەسى» شەشىلمەي، ەلدەگى جاعداي ەشقاشان دۇرىستالمايدى! اشىنعان حالىق نە ىستەيدى؟ كوشەگە شىعادى، كولىكتى ورتەيدى.
...توقاەۆ بيلىگى مۇنى تۇسىنە باستاعان ءتارىزدى.
ەركىن قالدان،
«ادىرنا» ۇلتتىق پورتالى
