Jambyl oblysynyŋ Qordai audanynda adam ölımıne äkelgen jol-kölık oqiǧasy boiynşa qylmystyq ıs qozǧaldy, dep habarlaidy "Adyrna" ūlttyq poraly.
Būl turaly oblystyq polisiia departamentı mälımdedı.
Vedomstvonyŋ mälımetınşe, jol apaty 1 mausym künı saǧat 15:00 şamasynda respublikalyq maŋyzy bar tasjolda bolǧan. Aldyn ala derekter boiynşa, Lexus avtokölıgınıŋ jürgızuşısı jol qorşauyna janai soǧylyp, soqqydan keiın kölık ainalyp ketıp, joldyŋ jürıs bölıgınde toqtap qalǧan. Arada bıraz uaqyt ötken soŋ toqtap tūrǧan Lexus kölıgıne Tank 500 markaly avtokölık soǧylǧan. Polisiianyŋ habarlauynşa, Tank 500 jürgızuşısı der kezınde tejegıştı basqanymen, soqtyǧystyŋ aldyn ala almaǧan.
Jol-kölık oqiǧasy saldarynan Tank 500 avtokölıgınıŋ jürgızuşısı oqiǧa ornynda köz jūmdy. Atalǧan derek boiynşa qylmystyq ıs qozǧalyp, tergeu amaldary jürgızılıp jatyr. Qūqyq qorǧau organdary oqiǧanyŋ barlyq män-jaiy men sebepterın anyqtauda.
