Qordaı aýdanynda qazaqtar men dúngender arasynda ultaralyq janjal bolǵan kúni úıinen shyǵyp ketip oralmaǵan Murat Masanovtyń kóz jumǵany belgili boldy. Týystarynyń sózinshe, qaqtyǵystan bir-eki kún ótken soń Masanchı aýylyndaǵy ǵımarattyń úıindisi astynan tabylǵan máıit Masanovtyń múrdesi bolyp shyqqan, dep jazady centralasian.org.
Murat Masanovtyń jıen aǵasy Baqtııar Ábdishevtiń Azattyqqa aıtýynsha, qazir áýlet janazaǵa daıyndalyp jatyr.
- Osyǵan deıin ákesinen qan alynǵan. Ekspertıza qorytyndysy shyqty, "bizge ákesi men balanyń qany sáıkes keldi" dedi. Qujattary bar, biraq ózim áli kórmedim. Árıne, sengim kelmeıdi, biraq solaı bolyp tur. 5 naýryzda jerleımiz, - deıdi ol Azattyqqa.
Murat Masanovtyń jezdesi Baýyrjan Nurǵalı de bul aqparatty rastady.
- Jolǵa shyǵyp bara jatqan jerimnen týystarymnan sondaı aqparatty estidim. Endi keri qaıtyp bara jatyrmyn, - dedi ol.
Bul máselege qatysty Jambyl oblystyq polıııa departamenti men Qordaı aýdandyq polıııa basqarmasynan aqparat alý múmkin bolmady. Eki organ da resmı málimdeme taratqan joq.
Osyǵan deıin Murattyń ápkesi Aqmaral Ábdirahman inisiniń janjal bolǵan kúni keshke Masanchıdiń janyndaǵy Qarasaı aýylyndaǵy týystaryna baram dep úıden shyǵyp ketip, qaıtyp oralmaǵanyn aıtyp edi. Onyń sózinshe, baýyrynyń órtengen kóligi 8 aqpanda Masanchı aýylynyń mańynan tabylǵan. Keıin Murat Masanovtyń týysqandary prokýratýra men polıııaǵa aryz jazǵan.
7 aqpan keshke Jambyl oblysy Qordaı aýdanynda qazaqtar men dúngender janjaldasyp, resmı derek boıynsha, 10 adam qaza taýyp, 180-nen asa adam zardap shekken. Keıin janjal bolǵan Masanchı aýylynda qıraǵan ǵımarattan taǵy bir adamnyń múrdesi tabyldy.
Qordaıdaǵy janjal kezinde Qyrǵyzstanmen shekaraǵa jaqyn ornalasqan, negizinen etnıkalyq dúngender turatyn Masanchı, Sortóbe, Aýqatty aýyldarynda, resmı málimet boıynsha, 20 saýda orny men 39 úı búlinip, 47 kólik órtendi. Úkimet qaqtyǵysta qıraǵan úıler men saýda oryndaryn qalpyna keltirýge kómektesetinin málimdegen.
Bılik janjal qart er adamnyń jaralanýymen aıaqtalǵan jol ústindegi kıkiljińnen shyqqan dep málimdedi. Kıkiljińnen soń qazaqtar (kóbi – Qarakemer aýylynyń turǵyny) jınalyp, dúngender turatyn aýyldarǵa barǵan.
Qazaqstan úkimeti janjalǵa baılanysty 90 qylmystyq is qozǵalǵanyn málimdedi. Qordaıdaǵy janjaldan soń Jambyl oblysynyń ákimi Asqar Myrzahmetov bastaǵan birneshe sheneýnik jáne polıııa departamentiniń basshysy qyzmetten ketti. Onyń ornyna sol kezde premer-mınıstrdiń orynbasary bolǵan Berdibek Saparbaev taǵaıyndaldy.
