Jýrnalıst atty mamandyq ıesin tórtinshi bılik ókili dep te ataıtyny belgili. Degenmen maǵan bul mamandyqtyń ataǵy emes, atqaratyn qyzmeti unaıdy. Men úshin jýrnalıst sózi shyndyq jarshysy degen sózben para-par. "Jýrnalıst bolar adamnyń sóz baılyǵynyń bolýy azdyq etedi, ondaı adamda úlken júrek bolýy kerek!”, - deýshi edi atam.
Balalyq shaqtan bolashaqqa aıaq basqan sátten-aq kóptegen kúrmeýli máseleler kezinde sheshim qabyldaýǵa týra keldi. Bala kúnimde men úshin ata-anam sheshim qabyldasa, endigi kezekte sheshim qabyldaý tizgini ózime tıdi. Bolashaǵymdy qalyptastyratyn kez taıady. Basqasy beımálim, men úshin mamandyq tańdaý qıynǵa soqpady. Olaı deıtinim, meniń tabıǵatym kishkene kúnimnen jazýǵa, mektepshilik sharalardy uıymdastyrýǵa jaqyn boldy.
Óner deıtin qasıetti sýsynmen sýsyndap, qyr-syryna qanyq bolmasam da, syry men jyrynan azda bolsa da habardar edim. Jazǵan shyǵarmalaryma ustazym joǵary baǵa berip, madaqtaǵanda, meniń maqtan súıgish bala kóńilim odan saıyn máz bolyp, qanatyma qanat bitip usha jazdaıtynmyn. Joǵarǵy synyptarda saıystarǵa qatysyp, baǵymdy synap júrip tájirıbe arttyrdym. Úlkendi-kishili dodalardan tóbe kórsetip, baq synap talaı rette qanjyǵamdy maıladym.
Meniń osyndaı qyzyǵy men shyjyǵy qatar júretin, taǵylymdy da talaby joǵary mamandyqqa tańdaýymnyń túsýi qyzyǵýshylyqtan ǵana emes, qoǵammen baılanys jasaý da sebep boldy. Keıde aınalańda bolǵan jaǵdaıattardy kózben kórip, qulaqpen estý azdyq etedi. Men sondaı jaıttardy habarlap, halyq pen shyndyq arasyndaǵy aspaly kópir bolǵym keledi. Mysaly, qazir bizdiń qoǵam pandemııamen arpalysyp jatyr. Halyqtyń muń-muqtajy kúnnen kúnge artyp barady. Myńdaǵan dárigerler júz myńdaǵan adamǵa kómekterin berýde. Bir jaǵynda kóptegen jańa kásiporyndar ashyp, halyqtyń jummyssyzdyń máselesin sheshýge atsalysyp jatyr. Osyndaı qıyn-qystaý sátte nebir pysyqaılar bas paıdasyn oılap, memleket qazynasyna qol suǵýda...
Abaı Qunanbaıulynyń "paıda oılama, ar oıla" sózin basshylyqqa alyp, elge qyzmet etip, onyń túıindi máselelerin sheshýge atsalysý – basty armanym.
Aqyl Ǵalymzat
