2-cynyp oquşysyna arnap jazylǧan "Qazaq tılı" pänı oqulyǧyndaǧy öreskel qateler ata-analardyŋ renışın tudyrdy. Būl turaly "Adyrna" ūlttyq portaly jazady.
Bılım aluǧa talpynǧan büldırşınnıŋ anasy oquşy tügıl özıne tüsınıksız tapsyrmalardy şeşe almai, dal bolyp otyr.
- Qarap otyrsaŋyz myna jerde "Şyǧarmaşylyq üzılıs. Syzyq baǧytymen ekı ärıp tastai otyryp maqal qūrastyryp kör, däpterge jaz" deidı. Endı qaraŋyzdar, "oqusy" degen sözden qate ketkenı körınıp tūr. Oquşy tügıl, mektep, kolledj, universitettı qazaqşa oqyp, "oqusy" degen sözden maqal qūrai almaidy ekenmın.Balasyn sabaǧyna daiyndaǧan ananyŋ aitar uäjı mūnymen tausylmaidy.
- Men özımnıŋ baiqaǧanymdy aitaiyn. "Aiaq kiım" - bölek jazylady. Ony bırge jazudy üiretıp jatyr. "Dene şynyqtyru" da bölek jazylady. Barlyq jerde "aiaqkiım" bırge jazylyp tūr. Endı grammatikany bastap kele jatqan balaǧa būny qalai tüsındıredı? Sonda balany qatelıkke üiretıp jatyr ǧoi. Äzırge 7-taqyrypqa deiın baiqaǧanym osy. Joǧarǧy jaqtaǧylar, baspadan qate ketse de, oqulyqty şyǧarar aldynda tekseru kerek qoi, - deidı ekınşı synyp oquşysynyŋ anasy.
Ūqsas jaŋalyqtar
