2-cynyp oqýshysyna arnap jazylǵan "Qazaq tili" páni oqýlyǵyndaǵy óreskel qateler ata-analardyń renishin týdyrdy. Bul týraly "Adyrna" ulttyq portaly jazady.
Bilim alýǵa talpynǵan búldirshinniń anasy oqýshy túgil ózine túsiniksiz tapsyrmalardy sheshe almaı, dal bolyp otyr.
- Qarap otyrsańyz myna jerde "Shyǵarmashylyq úzilis. Syzyq baǵytymen eki árip tastaı otyryp maqal qurastyryp kór, dápterge jaz" deıdi. Endi qarańyzdar, "oqýsy" degen sózden qate ketkeni kórinip tur. Oqýshy túgil, mektep, kolledj, ýnıversıtetti qazaqsha oqyp, "oqýsy" degen sózden maqal quraı almaıdy ekenmin.
Balasyn sabaǵyna daıyndaǵan ananyń aıtar ýáji munymen taýsylmaıdy.
- Men ózimniń baıqaǵanymdy aıtaıyn. "Aıaq kıim" - bólek jazylady. Ony birge jazýdy úıretip jatyr. "Dene shynyqtyrý" da bólek jazylady. Barlyq jerde "aıaqkıim" birge jazylyp tur. Endi grammatıkany bastap kele jatqan balaǵa buny qalaı túsindiredi? Sonda balany qatelikke úıretip jatyr ǵoı. Ázirge 7-taqyrypqa deıin baıqaǵanym osy. Joǵarǵy jaqtaǵylar, baspadan qate ketse de, oqýlyqty shyǵarar aldynda tekserý kerek qoı, - deıdi ekinshi synyp oqýshysynyń anasy.
