Qazaq ulttyq ýnıversıteti fılologııa jáne álem tilderi fakýltetiniń magıstranttary bıylǵy jyldan bastap zańǵa sáıkes eki jyl pedagogıkalyq tájirıbeden ótetin boldy. Bul, árıne, bolashaq mamandardyń tájirıbelik mashyqtarn arttyryp, bilim deńgeıin joǵarylatýǵa baǵyttalǵan sheshim dep bilemiz. Josparǵa sáıkes ekinshi semestrden bastap magıstranttar kredıttik oqýlaryn jalǵastyra otyryp, pedagogıkalyq tájirıbeden ótti. Magıstranttardyń ǵylymı jetekshilerine tıesili 1-3 kýrs stýdentterine ótkiziletin pánder oqytýshylardyń keńesimen paktıkanttarǵa saǵattar bólindi. Alǵashqy aptalarda passıv túrde, ıaǵnı, dáris jáne semınar sabaqtaryna qatysý, baqylaý, stýdenttermen tanysý, júıemen jumys istep úırený jumystary júrgizilgen bolatyn. Osy ýaqyt aralyǵynda jas bilim alýshylardy syrttan baqylaı otyryp, olardyń erekshelikteri men qabiletterine baǵa bere aldyq. Kelesi sabaqtardy aktıv túrde júrgizý mindetteldi. Árıne, alǵashqyda qobaljý men qorqynysh basymdyq tanytyp, sasqalaqtap, keıde tipti kúrmelip qaldyq. Alaıda jetekshiniń tarapynan qoldaý kóp kórsetilip, birtindep mashyqtana bastadyq. Ustazdar ár sabaqty tyńdap durys-burys áreketterimizdi aıtyp, árdaıym jańa keńes berip júrdi. Stýdentter de bolashaq mamandarǵa túsinispenshilik tanytyp, ózimizdi erkin ustaýymyzǵa birshama yqpal etti.
Ár magıstrant tájirıbe barysynda ashyq dáris jáne semınar sabaqtaryn berýge mindetti. Ashyq sabaq aldyn ala josparlanyp, bir apta buryn kafedra oqytýshylaryna eskertilý qajet. Bul tapsyrmany oryndaý barysynda praktıkadan ótýshi eń aldymen ashyq sabaq júrgizgisi kelgen tobyn muqııat tańdaıdy. Osy kezde toptyń uıymshyldyǵy men toptaǵy atmosferany tanı bilýge tyrysasyń. Ashyq sabaqqa ózge de magıstranttar men oqytýshylardyń qatysýyna ruqsat etildi. Bir lekte bolsaq ta, bir-birimizden de úırenip, almasatyn ádister men ıdeıalardyń bar ekendigine kóz jetkizdik. Sabaq kezinde aldyńǵy semestrde oqyǵan pedagogıkalyq teorııalar men tásilderdi tıimdi paıdalanyp, qajetimizge asyrýǵa tyrystyq. Teorııalyq bilimdi praktıka júzinde qoldaný arqyly mamandyǵymyzdyń qyr syryn asha tústik. Pedagogıkalyq praktıkanyń barlyq esebin magıstranttar júıege kún saıyn tirkep otyrýy jaýapkershilikti arttyra túsedi. Stýdentterdiń aýyzsha sabaq aıtýyn da, jazbasha jumystaryn da ýaqytty utymdy paıdalana otyryp baǵalaýǵa jattyqtyq. Onymen qosa topqa jáne jeke stýdentke minezdeme jazyp, psıhologııalyq taldaý jasaı aldyq.
Pedogogıkalyq tájirıbe arqyly magıstranttar ózderiniń bolashaq mamandyqtaryn etene sezinip qana qoımaı, shákirttermen jumys jasaýǵa daıyndyqtaryn arttyra alady. Osylaısha keıin jańa jumys ornyn ıelengen kezde oqytýshy bilimi men mashyǵyn kórsete alýǵa beıimdelmek. Bul magıstranttar úshin keleshekte kezdesýi múskin ómirlik sıtýaıalarǵa daıyndyq deı alamyz. Sonymen qatar bizdiń kásipqoı maman bolyp shyǵýmyzǵa birden bir septigin tıgizetindigine senemiz.
Tóleýjanova Jansaıa
Ál – Farabı atyndaǵy qazaq ulttyq ýnıversıteti
Fılologııa jáne álem tilderi fakýltetiniń
1-kýrs magıstranty
Kýrator-edvaızeri fılologııa ǵylymdarynyń kandıdaty, doent L.T.Álimtaeva
