پەداگوگيكالىق تاجىريبە – ءادىس-ءتاسىل الماسۋعا تاپتىرماس مۇمكىندىك

3722
Adyrna.kz Telegram

قازاق ۇلتتىق ۋنيۆەرسيتەتى فيلولوگيا جانە الەم تىلدەرى فاكۋلتەتىنىڭ ماگيسترانتتارى بيىلعى جىلدان باستاپ زاڭعا سايكەس ەكى جىل پەداگوگيكالىق تاجىريبەدەن وتەتىن بولدى. بۇل، ارينە، بولاشاق مامانداردىڭ تاجىريبەلىك ماشىقتارن ارتتىرىپ، ءبىلىم دەڭگەيىن جوعارىلاتۋعا باعىتتالعان شەشىم دەپ بىلەمىز. جوسپارعا سايكەس ەكىنشى سەمەستردەن باستاپ ماگيسترانتتار كرەديتتىك وقۋلارىن جالعاستىرا وتىرىپ، پەداگوگيكالىق  تاجىريبەدەن ءوتتى. ماگيسترانتتاردىڭ عىلىمي جەتەكشىلەرىنە تيەسىلى 1-3 كۋرس ستۋدەنتتەرىنە وتكىزىلەتىن پاندەر وقىتۋشىلاردىڭ كەڭەسىمەن پاكتيكانتتارعا ساعاتتار ءبولىندى. العاشقى اپتالاردا پاسسيۆ تۇردە، ياعني، ءدارىس جانە سەمينار ساباقتارىنا قاتىسۋ، باقىلاۋ، ستۋدەنتتەرمەن تانىسۋ، جۇيەمەن جۇمىس ىستەپ ۇيرەنۋ جۇمىستارى جۇرگىزىلگەن بولاتىن. وسى ۋاقىت ارالىعىندا جاس ءبىلىم الۋشىلاردى سىرتتان باقىلاي وتىرىپ، ولاردىڭ ەرەكشەلىكتەرى مەن قابىلەتتەرىنە باعا بەرە الدىق. كەلەسى ساباقتاردى اكتيۆ تۇردە جۇرگىزۋ مىندەتتەلدى. ارينە، العاشقىدا قوبالجۋ مەن قورقىنىش باسىمدىق تانىتىپ، ساسقالاقتاپ، كەيدە ءتىپتى كۇرمەلىپ قالدىق. الايدا جەتەكشىنىڭ تاراپىنان قولداۋ كوپ كورسەتىلىپ، بىرتىندەپ ماشىقتانا باستادىق. ۇستازدار ءار ساباقتى تىڭداپ دۇرىس-بۇرىس ارەكەتتەرىمىزدى ايتىپ، ءاردايىم جاڭا كەڭەس بەرىپ ءجۇردى. ستۋدەنتتەر دە بولاشاق ماماندارعا تۇسىنىسپەنشىلىك تانىتىپ، ءوزىمىزدى ەركىن ۇستاۋىمىزعا ءبىرشاما ىقپال ەتتى.

ءار ماگيسترانت تاجىريبە بارىسىندا اشىق ءدارىس جانە سەمينار ساباقتارىن بەرۋگە مىندەتتى. اشىق ساباق الدىن الا جوسپارلانىپ، ءبىر اپتا بۇرىن كافەدرا وقىتۋشىلارىنا ەسكەرتىلۋ قاجەت. بۇل تاپسىرمانى ورىنداۋ بارىسىندا پراكتيكادان ءوتۋشى ەڭ الدىمەن اشىق ساباق جۇرگىزگىسى كەلگەن توبىن مۇقيات تاڭدايدى. وسى كەزدە توپتىڭ ۇيىمشىلدىعى مەن توپتاعى اتموسفەرانى تاني بىلۋگە تىرىساسىڭ. اشىق ساباققا وزگە دە ماگيسترانتتار مەن وقىتۋشىلاردىڭ قاتىسۋىنا رۇقسات ەتىلدى. ءبىر لەكتە بولساق تا، ءبىر-بىرىمىزدەن دە ۇيرەنىپ، الماساتىن ادىستەر مەن يدەيالاردىڭ بار ەكەندىگىنە كوز جەتكىزدىك. ساباق كەزىندە  الدىڭعى سەمەستردە وقىعان پەداگوگيكالىق تەوريالار مەن تاسىلدەردى ءتيىمدى پايدالانىپ، قاجەتىمىزگە اسىرۋعا تىرىستىق. تەوريالىق ءبىلىمدى پراكتيكا جۇزىندە قولدانۋ ارقىلى ماماندىعىمىزدىڭ قىر سىرىن اشا تۇستىك. پەداگوگيكالىق پراكتيكانىڭ بارلىق ەسەبىن ماگيسترانتتار جۇيەگە كۇن سايىن تىركەپ وتىرۋى جاۋاپكەرشىلىكتى ارتتىرا تۇسەدى. ستۋدەنتتەردىڭ اۋىزشا ساباق ايتۋىن دا، جازباشا جۇمىستارىن دا ۋاقىتتى ۇتىمدى پايدالانا وتىرىپ باعالاۋعا جاتتىقتىق. ونىمەن قوسا توپقا جانە جەكە ستۋدەنتكە مىنەزدەمە جازىپ، پسيحولوگيالىق تالداۋ جاساي الدىق.

پەدوگوگيكالىق تاجىريبە ارقىلى ماگيسترانتتار وزدەرىنىڭ بولاشاق ماماندىقتارىن ەتەنە سەزىنىپ قانا قويماي، شاكىرتتەرمەن جۇمىس جاساۋعا دايىندىقتارىن ارتتىرا الادى. وسىلايشا كەيىن جاڭا جۇمىس ورنىن يەلەنگەن كەزدە وقىتۋشى ءبىلىمى مەن ماشىعىن كورسەتە الۋعا بەيىمدەلمەك. بۇل ماگيسترانتتار ءۇشىن كەلەشەكتە كەزدەسۋى مۇسكىن ومىرلىك سيتۋاتسيالارعا دايىندىق دەي الامىز. سونىمەن قاتار ءبىزدىڭ كاسىپقوي مامان بولىپ شىعۋمىزعا بىردەن ءبىر سەپتىگىن تيگىزەتىندىگىنە سەنەمىز.

تولەۋجانوۆا جانسايا

ءال – فارابي    اتىنداعى  قازاق ۇلتتىق  ۋنيۆەرسيتەتى

           فيلولوگيا   جانە    الەم تىلدەرى فاكۋلتەتىنىڭ

                                                   1-كۋرس  ماگيسترانتى

كۋراتور-ەدۆايزەرى فيلولوگيا عىلىمدارىنىڭ كانديداتى، دوتسەنت ل.ت.الىمتاەۆا

پىكىرلەر