Qyshqyl satıra. Mınıstrler mıtıngige shyqty

567

Álemde joq mıtıngi bastaldy! Mınıstrler mıtıngige shyqty! «Anaý–mynaý» mınıstri Shirengen Bylqetpesuly sóz aldy:
–Bizdiń aılyǵymyz nege mıllıonnan asyp ketken? Aılyq alarda aqsha sanaýǵa erinemiz! Úkimetten aılyǵymyzdy qysqartýdy, jasyryn jemqorlyqpen aınalysýymyzǵa múmkindik jasaýdy talap etemiz!
–Durys aıtasyz! –dep qoshtady depýtat Uıqybas Marǵaýuly elpildep,–depýtattar da sizderge qosylyp, mıtıngigie shyǵyp otyrmyz! Bizdiń de aılyǵymyz mıllıonnan asyp ketken, sondyqtan, bárimizde maza qashyp ketken! Bul qandaı mazaq? Bul degenińiz keketý, «ashtan ólip qalmańyzdar!» degen kelemej! Bizge 45 500 teńge de jetedi!
–Siz neǵyp júrsiz? Siz kimsiz? –dep surady mınıstr beti jalpaq, aıaǵy taltaq, sap–sary kisiden. Ol aýdarmashysyna ıek qaqty. Sóıtsek, ol Amerıka prezıdenti Donald Tramp eken! Mıtıngige arnaıy qatysýǵa sonaý Amerıkadan ushyp kelipti.
–Koronovırýstyń taralýyna Qytaı bıligi kináli! Men qytaı prezıdentin jekpe–jekke shaqyramyn! Nemese, qazaqsha kúreske!
Mıtıngi bir saǵatqa sozyldy. Depýtattardyń birazy túregep uıyqtap aldy. Ne úshin kelgenin, ne úshin mıtıngige shyqqanyn uqpaǵan uıqybas depýtattar da boldy.
–Biz, tek ózimizdiń jaǵdaıymyzdy jasap alǵanbyz! Bizdiń de adam sııaqty kedeı bolǵymyz keledi! –dedi bir oblystyń ákimi aıqaılap.
–Shirigen baılar koronovırýstan qınalǵan halyqqa nege járdem bermeıdi?–dep qaldy taǵy biri. Zańsyz mıtıngige shyqqan mınıstrlerge polıeıler iltıpat kórsetip, ystyq kofe, shokolad, ýyldyryq taratyp júrdi. Olardyń qoldaryn qaıyryp, avtobýstarǵa toǵytqan da joq. Kerisinshe, olarǵa qarap, tań qalyp turǵan qara halyqty qýalap, keıbirin tutqyndap jatty... Oıana ketsem... Arǵy jaǵyn aıtpaı–aq qoıaıynshy?

Muhtar ShERIM

Pikirler
Redakııa tańdaýy